योग समिति नेपालको ३७औं योग केन्द्रको उद्घाटन

स्वास्थ्य

गृहपृष्ठ
स्वास्थ्य
योग समिति नेपालको ३७औं योग केन्द्रको उद्घाटन

योग समिति नेपालको ३७औं योग केन्द्रको उद्घाटन

शनिबार, वैशाख २७, २०८२ बागेश्वरी पोस्ट

नेपालगञ्ज । योग समिति नेपाल केन्द्रिय कार्यालय नेपालगञ्जको आयोजनामा आज खजुरा गाउँपालिका वडा नम्बर २ मा ३७औं योग केन्द्रको उद्घाटन गरिएको छ । कार्यक्रमका प्रमुख अतिथि खजुरा गाउँपालिकाका उपाध्यक्ष मञ्जु मल्लले योग समिति नेपाल केन्द्रिय कार्यालय नै बाँके जिल्लामा अवस्थित भएकोले पनि खजुरा गाउँपालिकाले योग समिति नेपालले चालेको अभियानलाई साथ दिने बताइन् । उनले पालिकाको हरेक कार्यक्रममा योग समिति नेपालसँग समन्वय गर्दै अघि बढ्ने र सक्दो सहयोग गर्ने प्रतिवद्धता समेत ब्यक्त गरिन् ।

त्यस अवसरमा योग गुरु आयुर्वेदाचार्यले प्रेरणादायी प्रबचन दिएका थिए । कार्यक्रम केन्द्रिय सचिव चिरञ्जीवी ज्ञवालीले सञ्चालन गरेको योग समिति नेपालका उपाध्यक्ष लोकमाया सुवेदी (सुमित्रा) ले जानकारी दिइन् । कार्यक्रममा केन्द्रिय पदाधिकारीहरू, अन्तर्राष्ट्रिय संयोजक, जिल्ला संयोजक, वडा संयोजक, योग प्रशिक्षकहरू, आजीवन सदस्य, साधारण सदस्य, वडा कार्यालयका पदाधिकारीहरू, सचिव, स्थानीय सामाजिक तथा बौद्धिक ब्यक्तित्व लगायत सामाजिक अगुवाहरूको बाक्लो उपस्थिति रहेको थियो । स्वागत मन्तव्य डिबी तामाङले ब्यक्त गरेका थिए भने कार्यक्रमको उद्देश्यमाथि ३७औं योग केन्द्रका प्रमुख संयोजक बेद बहादुर ओली क्षेत्रीले स्पष्ट पारेका थिए । योग समिति नेपालका अध्यक्ष योग गुरु गिरिराज शर्मा भट्टराईको अध्यक्षतामा कार्यक्रम सम्पन्न भएको थियो ।

यस्तै ३७औं योग केन्द्र व्यवस्थापन समिति समेत गठन गरिएको छ । प्रमुख संयोजक बेद बहादुर ओली क्षेत्री, संयोजक गोबिन्द बहादुर रावत, सह-संयोजक मिना चन्द तथा सदस्यहरूमा शिब भण्डारी, भुपेन्द्र पोखरेल, बिनु ओली, टोपसरा वली, सुनिता रावत, जानुका रोकाय, रेखा बिक, खिमा शर्मा, इन्द्र योगी छन् । यस्तै सल्लाहकारहरू खजुरा गाउँपालिका उपाध्यक्ष मञ्जु मल्ल, डिबी तामाङले कार्यक्रमले समुदायमा स्वास्थ्य, आत्मअनुशासन र सामाजिक समन्वयको महत्वमा ध्यान दिन प्रेरणा दिएको बताए । नयाँ केन्द्रले स्थानीय तहमा योगको अभ्यास र प्रचार-प्रसारमा उल्लेखनीय भूमिका खेल्ने अपेक्षा गरिएको उपाध्यक्ष सुमित्राले बताइन् ।

प्रकाशित मिति: शनिबार, वैशाख २७, २०८२ २०:५४

प्रतिक्रिया दिनुहोस्