सञ्जिवनी कलेज अफ मेडिकल साइन्सेसमा सुविधा सम्पन्न 'कम्प्रिहेन्सिभ स्ट्रोक सेन्टर' सुरु

स्वास्थ्य

गृहपृष्ठ
स्वास्थ्य
सञ्जिवनी कलेज अफ मेडिकल साइन्सेसमा सुविधा सम्पन्न 'कम्प्रिहेन्सिभ स्ट्रोक सेन्टर' सुरु

सञ्जिवनी कलेज अफ मेडिकल साइन्सेसमा सुविधा सम्पन्न 'कम्प्रिहेन्सिभ स्ट्रोक सेन्टर' सुरु

शनिबार, जेठ ३, २०८२ बागेश्वरी पोस्ट

नेपालगञ्ज । सञ्जिवनी कलेज अफ मेडिकल साइन्सेस प्रालिले मस्तिष्कघात भएका बिरामीको उपचारलाई ध्यानमा राखेर विशिष्टिकृत सेवा दिन सुरु गरेको छ । मस्तिष्कघात भएर गम्भीर अवस्थामा पुगेका बिरामी अस्पतालमा पुगे लगत्तै तत्कालल नै उपचार गर्ने गरी सुविधा सम्पन्न 'कम्प्रिहेन्सिभ स्ट्रोक सेन्टर' सुरु गरिएको अस्पतालका न्युरो साइन्सेस विभाग प्रमुख कन्सल्टेन्ट न्युरो सर्जन डा. मनिष कोलाक्षपतिले जानकारी दिए ।

सञ्जिवनी कलेजमा 'कम्प्रिहेन्सिभ स्ट्रोक सेन्टर' र नेपालगञ्ज मेडिकल कलेज शिक्षण अस्पताल कोहलपुरमा 'प्राइमेरी स्ट्रोक केयर सेन्टर' को नेपालगञ्जमा शुक्रबार साँझ आयोजित एक कार्यक्रमका बीच अस्पतालका फाउण्डर डा. सुरेश कुमार कनोडिया र नेपालगञ्ज मेडिकल कलेज शिक्षण अस्पतालका निर्देशक डा. एम किदवाईले सुभारम्भ भएको घोषणा गरेका थिए ।

कार्यक्रममा नेपालगञ्ज मेडिकल कलेज शिक्षण अस्पतालका सिइओ सन्तोष विएन, डा. केदार अग्रवाल, सञ्जिवनी कलेजका मेडिकल सुपरिन्टेन्डेन्ट डा. रोमन किदवाई, भेरी अस्पताल नेपालगञ्जका प्रमुख मेडिकल सुपरिन्टेन्डेन्ट डा. निराजन सुवेदी, बर्दिया अस्पतालका मेडिकल सुपरिन्टेन्डेन्ट डा. सुभाष पाण्डे लगायतको उपस्थिति रहेको थियो । मस्तिष्कघात भएका गम्भीर बिरामीको उपचार सञ्जिवनी कलेजमा रहेको 'कम्प्रिहेन्सिभ स्ट्रोक सेन्टर' मा हुनेछ भने नेपालगञ्ज मेडिकल कलेज कोहलपुरमा प्रारम्भिक मस्तिष्क घातको केयर र उपचार हुनेछ ।

'कम्प्रिहेन्सिभ स्ट्रोक सेन्टर' मा १६ वेडको छुट्टै आइसीयू वार्ड रहनेछ । 'कम्प्रिहेन्सिभ स्ट्रोक सेन्टर' मा कन्सल्टेन्ट न्युरो सर्जन डा. कोलाक्षपतिको नेतृत्वमा एमसिएच न्युरो सर्जन डा. निरज घिमिरे, एमडी/डीएम कार्डियोलोजिष्ट डा. कृष्ण चन्द्र अधिकारी, कन्सल्टेन्ट रेडियोलोजिस्ट डा. लेखनाथ बराल, न्युरो क्रिटिकल केयर, एनेथेसियोलोजिष्ट, इमर्जेन्सी तथा न्युरो रिहाबिलिटेसनको समूह तैनाथ रहनेछ ।

नेपालगञ्ज मेडिकल कलेज कोहलपुरको 'प्राइमेरी स्ट्रोक केयर सेन्टर' मा एमए/एमसिएच न्युरो सर्जन डा. सुवोध गौतमको नेतृत्वको टिम बिरामीको उपचारमा खटिनेछ । मस्तिष्कघातका कारण मानिसहरुको अकालमा ज्यान गुमाउने अनुपात अस्वभाविक रुपमा बढ्दै जानु र कतिपय मानिसहरु आजीवन अपांगता भएर अरुकै भरमा बाँच्नुपर्ने अवस्थालाई ध्यानमा राखेर डेडिकेटेड स्ट्रोक सेन्टर सञ्चालनमा ल्याइएको सिइओ डा. नितेश कुमार कनोडियाले जानकारी दिए ।

मस्तिष्कघात भएका बिरामी ४/५ घण्टाभित्रै अस्पताल पुगे उनीहरुको ज्यान जोगिने मात्र नभएर आजीवन अरुकै भरमा बाँच्नुपर्ने अवस्थाको समेत अन्त्य हुने चिकित्सकहरु बताउँछन् ।

प्रकाशित मिति: शनिबार, जेठ ३, २०८२ १९:०१