योग समिति नेपालको ४४औं योग केन्द्र शुभारम्भ

स्वास्थ्य

गृहपृष्ठ
स्वास्थ्य
योग समिति नेपालको ४४औं योग केन्द्र शुभारम्भ

योग समिति नेपालको ४४औं योग केन्द्र शुभारम्भ

आइतबार, जेठ २५, २०८२ बागेश्वरी पोस्ट

नेपालगञ्ज । विश्व वातावरण दिवसको अवसरमा योग समिति नेपालले आफ्नो ४४औं योग केन्द्रको शुभारम्भ गरेको छ । जिल्ला वन कार्यालयको सहकार्यमा आयोजना गरिएको कार्यक्रममार्फत सम्पूर्ण सहभागीहरूलाई एक–एक वटा बिरुवा उपहारस्वरूप वितरण समेत गरिएको थियो । कार्यक्रममा जीवनमा सन्तुलन र समर्पणको सन्देश पनि प्रदान गरिएको थियो ।

विश्व वातावरण दिवस २०८२ को अवसर पारेर योग समिति नेपालले नेपालगञ्ज उपमहानगरपालिका वडा नम्वर २ पुष्पलाल चोक नजिक योग समित नेपालको ४४औँ नयाँ योग केन्द्रको समुद्घाटन कार्यक्रम सम्पन्न गरेको हो । शुभारम्भ तथा समुद्घाटन कार्यक्रम योग समिति नेपालका परिकल्पनाकार संस्थापक केन्द्रिय अध्यक्ष आयुर्वेदाचार्य योगगुरु गिरिराज शर्मा भट्टराईको अध्यक्षता, नेपालगञ्ज उपमहानगरपालिकाका नगर प्रमुख प्रशान्त विष्टको प्रमुख आतिथ्यता एवं जिल्ला प्रशासन कार्यालय बाँकेका प्रमुख जिल्ला अधिकारी धर्मराज जोशीको विशिष्ट आतिथ्यतामा सम्पन्न गरिएको थियो ।

कार्यक्रममा जिल्ला प्रशासन कार्यालय बाँकेका सहायक प्रमुख जिल्ला अधिकारी उमाकान्त अधिकारी, सल्यान जिल्लाका सहायक प्रमुख जिल्ला अधिकारी हरिशचन्द्र शर्मा, नेपालगञ्ज उद्योग वाणिज्य संघका अध्यक्ष टंक बहादुर धामी, जिल्ला प्रहरी कार्यालय बाँकेका प्रहरी प्रमुख राम प्रसाद घर्ती मगर, बाँकेका सशस्त्र प्रहरी प्रमुख शोभाकान्त खनाल, वन कार्यालयका प्रमुख शंकर प्रसाद गुप्ता लगायतको उपस्थिति रहेको थियो ।

यसैगरी संस्थापक केन्द्रिय सल्लाहकारद्वय नन्दलाल वैश्य, जगदिश चन्द्र तिमल्सिना, योग समिति नेपालका केन्द्रिय कार्यसमितिका पदाधिकारीहरु, विभिन्न केन्द्रका प्रमुख संयोजक, सहसंयोजक, तथा योग प्रशिक्षक, सदस्यहरु, पत्रकार, समाजसेवी लगायत योगमा विश्वास गर्ने शुभचिन्तक सहितका योगसाधकहरुको उपस्थिति रहेको थियो ।

यसैबीच ४४औं योग केन्द्रको सञ्चालन तथा दीर्घकालीन व्यवस्थापनका लागि व्यवस्थापन समिति गठन गरिएको छ । प्रमुख संयोजकमा नन्दलाल बैश्य, संयोजक आनन्द मोहपाल तथा सदस्यहरूमा श्याम गुप्ता, डा. राजेन्द्र प्रसाद गुप्ता, बिजय गुप्ता, अजय गुप्ता, पारस मोहपाल, लल्लन चौधरी, सन्तोष बैश्य, सञ्जय पोरवाल, जितेन्द्र गुप्ता, राम किशोर गुप्ता, सुनिल गुप्ता, दिनेश गुप्ता तथा सल्लाहकारहरूमा टंक धामी, आनन्द मिना मोहपाल, राम प्यारे गुप्ता रहेको योग समिति नेपालका उपाध्यक्ष लोकमाया सुवेदी (सुमित्रा) ले जानकारी दिइन् ।

प्रकाशित मिति: आइतबार, जेठ २५, २०८२ ०७:३५

प्रतिक्रिया दिनुहोस्