भेरी अस्पतालमा स्तनपान परामर्शदाताहरुको लागि तीन दिने क्षमता अभिवृद्धि तालिम सुरु

स्वास्थ्य

गृहपृष्ठ
स्वास्थ्य
भेरी अस्पतालमा स्तनपान परामर्शदाताहरुको लागि तीन दिने क्षमता अभिवृद्धि तालिम सुरु

भेरी अस्पतालमा स्तनपान परामर्शदाताहरुको लागि तीन दिने क्षमता अभिवृद्धि तालिम सुरु

बुधबार, असार ४, २०८२ बागेश्वरी पोस्ट

नेपालगञ्ज । भेरी अस्पतालमा आजदेखि स्तनपान परामर्शदाताहरुको लागि तीन दिने क्षमता अभिवृद्धि तालिम सुरु भएको छ । स्वास्थ्य निर्देशनालय लुम्बिनी प्रदेशको आयोजनामा तालिम सुरु भएको हो । स्वास्थ्य निर्देशनालयका निर्देशक रोशनलाल चौधरीको अध्यक्षता तथा लुम्बिनी प्रदेश स्वास्थ्य मन्त्रालयका सचिव दुर्गा लक्ष्मी श्रेष्ठको प्रमुख आतिथ्यतामा तालिम सुरु भएको हो ।

उक्त कार्यक्रमको उद्घाटन सत्रमा बोल्दै स्वास्थ्य सचिव श्रेष्ठले जन्मिने बित्तिकै जति सक्दो छिटो नवजात शिशुलाई आमाको दूध खुवाउनुपर्ने र त्यसका लागि आमाहरुलाई अनिवार्य परामर्श गर्नुपर्नेमा जोड दिइन् । भेरी अस्पतालका प्रमुख मेडिकल सुपरिटेन्डेन्ट डा. निराजन सुबेदीले पुड्कोपना, ख्याउटेपना, बाल मृत्युदर घटाउन तथ्यांक विश्लेषण गरी लक्षित समूहमा परामर्श केन्द्रित हुनुपर्नेमा जोड दिए ।

स्वास्थ्य निर्देशक रोशनलाल चौधरीले स्तनपान तथा आमाबच्चाको सुधार गर्न आमा तथा बालबालिकालाई परामर्शसहित निरन्तर निगरानी गर्नुपर्नेमा जोड दिए । कार्यक्रममा भेरी अस्पताल, बर्दिया अस्पताल, नेपालगञ्ज मेडिकल कलेज, सञ्जिबनी मेडिकल कलेज, आम्दा अस्पताल, युनिभर्सल मेडिकल कलेजबाट २५ जना सहभागीहरु रहेको स्वास्थ्य कार्यालय बाँकेका निमित्त प्रमुख नरेश बाबु श्रेष्ठले जानकारी दिए ।

प्रकाशित मिति: बुधबार, असार ४, २०८२ १४:२८

प्रतिक्रिया दिनुहोस्