लुम्बिनीका स्वास्थ्य सचिव श्रेष्ठ र निर्देशक चौधरीद्वारा 'जमुनाहा हेल्थ डेस्क' अनुगमन

स्वास्थ्य

गृहपृष्ठ
स्वास्थ्य
लुम्बिनीका स्वास्थ्य सचिव श्रेष्ठ र निर्देशक चौधरीद्वारा 'जमुनाहा हेल्थ डेस्क' अनुगमन

लुम्बिनीका स्वास्थ्य सचिव श्रेष्ठ र निर्देशक चौधरीद्वारा 'जमुनाहा हेल्थ डेस्क' अनुगमन

बुधबार, असार ४, २०८२ बागेश्वरी पोस्ट

नेपालगञ्ज । लुम्बिनी प्रदेश स्वास्थ्य मन्त्रालयका सचिव दुर्गा लक्ष्मी श्रेष्ठ र स्वास्थ्य निर्देशनालयका निर्देशक रोशनलाल चौधरीले नेपाल भारत सिमानामा रहेको बाँके जिल्लाको 'जमुनाहा हेल्थ डेस्क' को अनुगमन र छलफल गरेका छन् । श्रेष्ठ र चौधरीले त्यहाँ कार्यरत स्वास्थ्यकर्मीहरुसंग छलफल तथा सेवाको अबस्था र सेवाको प्रभावकारिताका विषयमा छलफल गरेका हुन् ।

स्वास्थ्य सचिब श्रेष्ठले स्वास्थ्यकर्मीसंगको छलफलमा रुपैडिहा नाकाबाट नेपाल भित्रिने यात्रीहरुको स्वास्थ्य अबस्था जाँच गरी सरुवा रोग लागेका बिरामीहरुलाई आइसोलेसन र सरुवा रोग लागेका ब्यक्तिको सम्पर्कमा आएका निरोगीलाई क्वारेन्टाइनमा राखी रोग फैलिनबाट रोक्नुपर्ने बताइन् । उनले भारतबाट सरुवा रोग रोक्न हेल्थ डेस्कको महत्वपूर्ण भूमिका हुने र त्यसका लागि स्वास्थ्यकर्मीहरुले इमान्दारीपूर्वक सेवा प्रदान गर्नुपर्ने बताइन् । त्यसको ब्यबस्थापनमा स्वास्थ्य मन्त्रालयले सहयोग गर्ने उनको भनाई छ ।

स्वास्थ्य निर्देशनालयका निर्देशक चौधरीले भारतमा फैलिएको कुनै पनि रोग यात्राको क्रममा नेपाल भित्रिनबाट रोक्न हेल्थ डेस्कका स्वास्थ्यकर्मीहरुको जिम्मेवारी हुने भन्दै तोकिएको जिम्मेवारी पूरा गर्न निर्देशन दिए । छलफलमा बिश्व स्वास्थ्य संगठनका प्रतिनिधि, स्वास्थ्य कार्यालय प्रमुख नरेश बाबु श्रेष्ठ, नेपालगञ्ज उपमहानगरपालिका स्वास्थ्य महाशाखा प्रमुख राम बहादुर चन्द, हेल्थ डेस्कबाट १२ जना स्वास्थ्यकर्मी लगायत सहभागी थिए । भारतमा कोभिड-१९ देखा परे पश्चात बर्दियाका १ जना र कालिकोटको १ जना गरी २ जनामा कोभिड १९ 'एन्टिजेन टेस्ट किट' पोजिटिभ देखिएको र होम आइसोलेसनकोका लागि सम्बन्धित स्थानीय तहसंग समन्वय गरी पठाइएको समेत स्वास्थ्य कार्यालय प्रमुख श्रेष्ठले बताए ।

प्रकाशित मिति: बुधबार, असार ४, २०८२ २१:१५

प्रतिक्रिया दिनुहोस्