योग समिति नेपालले बाँकेमा पनि मनायो अन्तर्राष्ट्रिय योग दिवस

स्वास्थ्य

गृहपृष्ठ
स्वास्थ्य
योग समिति नेपालले बाँकेमा पनि मनायो अन्तर्राष्ट्रिय योग दिवस

योग समिति नेपालले बाँकेमा पनि मनायो अन्तर्राष्ट्रिय योग दिवस

शनिबार, असार ७, २०८२ बागेश्वरी पोस्ट

नेपालगञ्ज । अन्तर्राष्ट्रिय योग दिवस आज नेपालगञ्ज र खजुरामा विभिन्न कार्यक्रम गरी मनाइएको छ । 'सिङ्गो पृथ्वी र मानव सभ्यताका लागि योग' भन्ने मूल नारासहित आज विश्वभर ११औं अन्तर्राष्ट्रिय योग दिवस विभिन्न कार्यक्रमको आयोजना गरेर मनाइएको छ । नेपालगञ्ज उपमहानगरपालिका प्रांगणमा विहान एक कार्यक्रम आयोजना गरिएको थियो । यस्तै योग समिति नेपालको खजुरास्थित विभिन्न ८ वटा योग केन्द्रबाट ब्याण्ड बाजासहित निस्केको ¥याली वडा नम्वर २ मा पुगेर कार्यक्रममा परिणत भएको थियो । कार्यक्रममा योगाभ्यास समेत गरिएको थियो ।

समितिका अध्यक्ष एवम् योग गुरु आयुर्वेदचार्य गिरीराज शर्मा भट्टराईको सभापतित्वमा भएको कार्यक्रममा बोल्दै वडा नम्बर २ का अध्यक्ष धनराम वलीले योग शारीरिक, मानसिक र आध्यात्मिक स्वास्थ्यलाई सुदृढ गर्ने अभ्यास भएकोले सबैले योग गर्ने जरुरी रहेको बताए । उनले खजुरा गाउँपालिकालाई योगमय बनाउने समेत विश्वास दिलाए । वलीले योग समिति नेपालले बिभिन्न वडामा सचेतना फैलाएर योग अभ्यास गराउने काम गरेकोप्रति धन्यवाद समेत ज्ञापन गरे । अहिलेसम्म खजुरा गाउँपालिकामा ८ वटा केन्द्र खुलिसकेकोमा खुसी ब्यक्त गर्दै उनले आफ्नो जहिले पनि योग समिति नेपालको हरेक काममा साथ रहने प्रतिबद्वता व्यक्त गरे ।

कार्यक्रममा योग गुरु भट्टराईले विभिन्न योग प्रणायाम ध्यान गराउँदै पछिल्लो समय मानिसहरु योगप्रति आकर्षित भइरहेको र ब्यस्त जीवनशैली, विषादीजन्य खानाले गर्दा मानिसहरूको स्वास्थ्य दिनानुदिन बिग्रँदै गएकोप्रति चिन्ता ब्यक्त गर्दै त्यसका लागि दैनिकरूपमा योग केन्द्रमा गई योग गर्न आम नागरिकलाई आह्वान समेत गरे । कार्यक्रममा योग समिति नेपालका पदाधिकारी, खजुरा गाउँपालिका लगायत अन्य केन्द्रका संयोजक, योग प्रशिक्षक, समासेवी, वुद्धिजिबी, पत्रकार लगायत सयौंको संख्यामा योगी मनहरूको उपस्थिति रहेको योग समिति नेपालका उपाध्यक्ष लोकमाया सुवेदी (सुमित्रा) ले बताइन् । कार्यक्रम सञ्चालन योग प्रशिक्षक आशिष ज्ञवालीले गरेका थिए ।

May be an image of 8 people, flower, temple and text May be an image of one or more people, people practicing yoga and temple