योग गुरु आयुर्वेदाचार्यको जन्मोत्सवमा रक्तदान एवं बृक्षारोपण

स्वास्थ्य

गृहपृष्ठ
स्वास्थ्य
योग गुरु आयुर्वेदाचार्यको जन्मोत्सवमा रक्तदान एवं बृक्षारोपण

योग गुरु आयुर्वेदाचार्यको जन्मोत्सवमा रक्तदान एवं बृक्षारोपण

बुधबार, असार ११, २०८२ बागेश्वरी पोस्ट

नेपालगञ्ज । योग समिति नेपालका योग गुरु आयुर्वेदाचार्य गिरिराज शर्मा भट्टराईको जन्मोत्सवको अवसरमा नेपालगञ्जमा रक्तदान एवं बृक्षारोपण कार्यक्रम गरिएको छ । जन्मदिनलाई बिशेषरुपमा मनाउन तथा सामाजिक कार्यमा सहयोग पुर्याउन जन्मोत्सवको पूर्व सन्ध्यामा रक्तदान एवं ४६ वटा योग केन्द्रका प्रतिनिधिहरूलाई आ-आफ्नो केन्द्रमा बृक्षारोपणका लागि विरूवाहरू बितरण गरिएको हो । योग गुरु आयुर्वेदाचार्य भट्टराई तथा नेपाल रेडक्रस सोसाइटी बाँके शाखा सभापति गोवद्र्धन सिंह सम्झानाले संयुक्तरुपमा रगत संकलन गर्ने प्याकेट रक्तदाता निर्मला शाह र अम्बिका कोइरालालाई हस्तान्तरण गरी कार्यक्रमको उद्घाटन गरिएको थियो ।

जन्मोत्सवको अवसरमा रक्तदान समेत गरेका योग गुरुले स्वस्थ मानिसको शरीरमा प्रत्येक तीन तीन महिनामा पुरानो रक्तकोष नष्ट भई नयाँ रक्तकोषिका निर्माण हुने भएकाले सबैले रक्तदान गरी समुदायका अन्य मानिसको ज्यान जोगाउन मद्दत पुर्याउन आवश्यक रहेको बताए । उनले तीन महिनामा स्वतः नष्ट हुने रगतलाई समयमै सदुपयोग गर्नका लागि रक्तदान गर्नु उत्तम हुने बताए । योग प्रशिक्षक प्रेम केसीको संयोजनमा भएको कार्यक्रममा ६० जना बढीले रक्तदान गरेका थिए ।

भेरी अस्पताल परिसरमा रहेको रक्त संचार सेवा केन्द्रमा भएको कार्यक्रममा समितिका सल्लाहकार मीन बहादुर मल्ल, जगदिशचन्द्र तिमल्सिना, नेपाल रेडक्रस सोसाइटीका प्रविधिक अधिकृत उपेन्द्र रेग्मी, योग समिति नेपालका आजीवन सदस्य एवं समाजसेवी निल शाक्य, हरित अभियन्ता हेमन्त काफ्ले, समितिका पदाधिकारी, ४८ वटै योग केन्द्रका संयोजक, प्रशिक्षक, आजीवन सदस्य र योगमा विश्वास गर्ने योगी मनहरू लगायतको उपस्थिति रहेको योग प्रशिक्षक सुमित्रा सुबेदीले जानकारी दिइन् ।

प्रकाशित मिति: बुधबार, असार ११, २०८२ ०७:००