नेपालगञ्जमा चार दिने विद्यालय आयुर्वेद तथा योग शिक्षा कार्यक्रम सम्पन्न

स्वास्थ्य

गृहपृष्ठ
स्वास्थ्य
नेपालगञ्जमा चार दिने विद्यालय आयुर्वेद तथा योग शिक्षा कार्यक्रम सम्पन्न

नेपालगञ्जमा चार दिने विद्यालय आयुर्वेद तथा योग शिक्षा कार्यक्रम सम्पन्न

शनिबार, असार १४, २०८२ बागेश्वरी पोस्ट

नेपालगञ्ज । नेपालगञ्जमा चार दिने विद्यालय आयुर्वेद तथा योग शिक्षा कार्यक्रम सम्पन्न भएको छ । नेपालगञ्ज उपमहानगरपालिका भवानियापुर र परसपुर आयुर्वेद औषधालयको आयोजनामा चार दिन कार्यक्रम आयोजना गरिएको हो । असार ११ गतेदेखि कार्यक्रम सुरु भएको थियो ।

नेपालगन्ज उपमहानगरपालिका आयुर्वेद शाखा प्रमुख डा. सुरेश पुनको अध्यक्षता एवम् नगर प्रमुख प्रशान्त विष्टको प्रमुख आतिथ्यतामा शनिबार चार दिने कार्यक्रम सम्पन्न गरिएको हो । कार्यक्रममा विभिन्न माध्यमिक विद्यालयका शिक्षक-शिक्षिका गरी १६ जना सहभागी थिए । विद्यालयमा आयुर्वेद तथा योग शिक्षाको महत्व र आवश्यकता प्रसार गर्ने उद्देश्यले कार्यक्रम गरिएको डा. पुनले बताए । यो स्वास्थ्य तथा जनसंख्या मन्त्रालय आयुर्वेद विभागको सशर्त कार्यक्रम हो ।

समापन कार्यक्रममा नगर प्रमुख विष्टले आयुर्वेद र योग शिक्षाको महत्व बढ्दै गएको भन्दै पछिल्लो समय आयुर्वेद र योगप्रति मानिसहरुको आकर्षण बढेको बताए । उनले विद्यालय तहमा यसबारे सचेतना बढाउनुपर्नेमा जोड दिए । समापन कार्यक्रममा प्रमुख प्रशासकीय अधिकृत रामहरि शर्मा, शिक्षा महाशाखा प्रमुख गोर्ख बहादुर थापा लगायतको उपस्थिति थियो । कार्यक्रम सञ्चालन आयुर्वेद चिकित्सक डा. मनोज यादवले गरेका थिए ।

प्रकाशित मिति: शनिबार, असार १४, २०८२ १७:०१