नेपालगञ्जमा नयाँ पोषण कार्यक्रम अनुमोदन

स्वास्थ्य

गृहपृष्ठ
स्वास्थ्य
नेपालगञ्जमा नयाँ पोषण कार्यक्रम अनुमोदन

नेपालगञ्जमा नयाँ पोषण कार्यक्रम अनुमोदन

बुधबार, असार १८, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिका पालिकास्तरीय पोषण तथा खाद्य सुरक्षा निर्देशक समितिको बैठकले नयाँ पोषण कार्यक्रम अनुमोदन गरेको छ । नेपालगञ्जमा आज नगर प्रमुख प्रशान्त विष्टको अध्यक्षतामा बसेको बैठकले कुपोषणको अवस्थाबाट माथि उठेर सुपोषणयुक्त समाज निर्माणका निम्ति मिहिन ढंगले काम गर्नुपर्नेमा जोड दिएको छ ।

स्वास्थ्य महाशाखा प्रमुख राम बहादुर चन्दले कुपोषणको अवस्था, चुनौति, खाद्य सुरक्षा सुनिश्चितताका लागि गर्नुपर्ने कामका बारेमा प्रस्तुतिकरण गरेका थिए । नगर प्रमुख विष्टले पोषण तथा खाद्य सुरक्षा सुनिश्चितताका लागि उपमहानगरपालिका संवेदनशिल र गम्भीर रहेको बताए । प्रमुख प्रशासकीय अधिकृत रामहरि शर्माले नगरभित्र कुपोषणको समस्या कुन-कुन ठाउँ र समुदायमा किन बढी छ भन्ने कुराको यथार्थ अवस्था पहिचान गरेर समाधानतर्फ लाग्नुपर्नेमा जोड दिए ।

कार्यक्रममा वडा अध्यक्ष, कार्यपालिका सदस्य लगायतको उपस्थिति थियो । कार्यक्रमको सहजीकरण स्वास्थ्य महाशाखाका जनस्वास्थ्य निरीक्षक जागेश्वर बस्नेतले गरेका थिए ।

प्रकाशित मिति: बुधबार, असार १८, २०८२ २१:१९