गुरूकुल बचत तथा ऋण सहकारी संस्थाको आयोजनामा निःशुल्क स्वास्थ्य शिविर

स्वास्थ्य

गृहपृष्ठ
स्वास्थ्य
गुरूकुल बचत तथा ऋण सहकारी संस्थाको आयोजनामा निःशुल्क स्वास्थ्य शिविर

गुरूकुल बचत तथा ऋण सहकारी संस्थाको आयोजनामा निःशुल्क स्वास्थ्य शिविर

बुधबार, साउन १४, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर २ मा प्रधान कार्यालय रहेको गुरूकुल बचत तथा ऋण सहकारी संस्था लिमिटेडले निःशुल्क आँखा, कान र दाँत स्वास्थ्य शिविर सम्पन्न गरेको छ । १६औं वार्षिकोत्सबको अवसरमा आज नेपालगञ्ज उपमहानगरपालिका वडा नम्बर ११ स्थित नारायण माध्यमिक विद्यालयमा आफ्ना शेयर सदस्यलाई लक्षित गरी त्यहाँका स्थानीय र विद्यार्थीहरूलाई समेत लाभान्वित गराउने उद्देश्यले निःशुल्क आँखा, कान र दाँत स्वास्थ्य शिविर सञ्चालन गरिएको हो ।

'मर्यादित सहकारीः समुन्नत समाज' भन्ने मूल नाराका साथ सम्पन्न उक्त कार्यक्रममा जिल्ला सहकारी संघ बाँकेका अध्यक्ष प्रेम प्रसाद सुवेदी प्रमुख अतिथि रहेका थिए । नेपालगञ्ज उपमहानगरपालिका वडा नम्बर ११ का वडाध्यक्ष नन्दकिशोर कश्यप विशिष्ट अतिथि, बचत तथा ऋण जिल्ला सहकारी संघ लिमिटेडका अध्यक्ष एवम् संस्थाका पूर्व अध्यक्ष प्रेम बहादुर शाह, बचत तथा ऋण जिल्ला सहकारी संघका उपाध्यक्ष हिरा खराल , नेफ्स्कुन नेपालगञ्ज शाखा प्रमुख छत्र प्रसाद धमला अतिथिको रुपमा उपस्थित थिए । संस्थाका अध्यक्ष प्रदिप चौधरीको अध्यक्षतामा कार्यक्रम सम्पन्न भएको थियो ।

स्वास्थ्य शिविरमा प्राविधिक सहयोग फत्तेबाल आँखा अस्पताल, ब्रिनोज कान सामुदायिक सेवा र हिमाल डेन्टल क्लिनिकले गरेका थिए । चेकजाँच तथा औषधि निःशुल्क रूपमा उपलब्ध गराइएको थियो भने मोतियाबिन्दुको शल्यक्रियामा ५० प्रतिशत छुट, कान अप्रेशन, श्रवणयन्त्रमा १० प्रतिशत छुट हुने गरी कार्यक्रमको आयोजना गरिएको थियो । त्यसक्रममा आँखा चेकजाँच १६५ जना, ११ जनालाई शल्यक्रियाका लागि रिफर, कानको १०५ जना, ६ जना कान अप्रेशनका लागि रिफर र दाँत ११० जनाले चेकजाँच गराएका थिए ।

No photo description available.

कार्यक्रममा व्यवस्थापन सहयोग नेपालगञ्ज उपमहानगरपालिका वडा नम्बर ११ को कार्यालय र नारायण माध्यमिक बिद्यालयले गरेको सहकारीका व्यवस्थापक टिकाराम चौधरीले जानकारी दिए ।

प्रकाशित मिति: बुधबार, साउन १४, २०८२ २१:३७

प्रतिक्रिया दिनुहोस्