लागुऔषधविरुद्धको कारबाहीमा प्रहरीसँग सबैले सहकार्य गर्न जरुरी छ: जनस्वास्थ्य अधिकृत बस्नेत

स्वास्थ्य

गृहपृष्ठ
स्वास्थ्य
लागुऔषधविरुद्धको कारबाहीमा प्रहरीसँग सबैले सहकार्य गर्न जरुरी छ: जनस्वास्थ्य अधिकृत बस्नेत

लागुऔषधविरुद्धको कारबाहीमा प्रहरीसँग सबैले सहकार्य गर्न जरुरी छ: जनस्वास्थ्य अधिकृत बस्नेत

शनिबार, साउन ३१, २०८२ बागेश्वरी पोस्ट

जनस्वास्थ्य अधिकृत जागेश्वर बस्नेत

नेपालगन्ज । पछिल्लो समय लागुऔषधको हब मानिएको बाँकेको नेपालगन्जमा लागुऔषधविरुद्धको कारबाहीलाई तिब्र पारेपछि नेपालगन्ज उपमहानगरपालिकाका जनस्वास्थ्य अधिकृत जागेश्वर बस्नेतले लागुऔषध नियन्त्रण ब्यूरो र बाँके प्रहरीको सराहनीय कार्य भएको बताएका छन् ।

भारतीय बजार नजिक र खुला सीमाका कारण सहजै लागुऔषध भित्रिँदै आएको नेपालगन्जमा जिल्ला प्रहरी कार्यालय बाँके र लागुऔषध नियन्त्रण ब्यूरो शाखा कार्यालय नेपालगन्जले उक्त कार्यविरुद्ध धावा बोल्दै कडा अपरेसन सुरु गरेपछि बस्नेतले यसमा सबैले प्रहरीलाई सहयोग गर्नुपर्ने बताएका हुन् ।

समाजका युवायुवती लागुऔषधको कुलतमा परेर अन्धकारमा धकेलिँदै गर्दा बाँके प्रहरी र लागुऔषध नियन्त्रण ब्यूरोको अपरेशनले पक्कै पनि यो कार्य केही हदसम्म नियन्त्रण हुन्छ कि भन्ने महसुस भएको जनस्वास्थ्य अधिकृत बस्नेत बताउँछन् ।

बस्नेत भन्छन्-"जसरी नसर्ने रोगहरु समाजमा मुख्य समस्याका रूपमा देखिरहेका छन्, त्यसैगरी लागुऔषध पनि बिकराल समस्याको रूपमा आइरहेको हुँदा लागुऔषध कारोबारविरुद्ध प्रहरीले मात्रै एक्लै समस्या समाधान गर्न नसक्ने हुँदा अन्य निकाय, स्थानीय सरकार तथा आम नागरिकले यसको निर्मुलीकरणका बारे सोच्नुपर्ने भएको छ ।"

साथै उनले यसका बारेमा समयमै कारबाही अघि नबढाए भोलिका दिनमा युवा दक्ष जनशक्तिको अभाव हुने समेत बताए । अब कारोबारीलाई पक्राउ गर्न गोली नै चलाउनुपर्ने अवस्थामा आइसकेको हुँदा समयमै सजग रहन आग्रह रहेको बस्नेतले बताए ।

समाज दुर्घन्धित बनाउने र कयौंको भविष्य अन्धकार बनाउने लागुऔषध कारोबारविरुद्ध सबै एकजुट भएर लागे पक्कै पनि यसको सेवन तथा कारोबार रोक्न सकिने उनी बताउँछन् ।

प्रकाशित मिति: शनिबार, साउन ३१, २०८२ ११:२५

प्रतिक्रिया दिनुहोस्