नरैनापुरमा भदौ २ गते पाठेघरको मुखको क्यान्सर पहिचानका लागि निःशुल्क शिविर हुँदै

स्वास्थ्य

गृहपृष्ठ
स्वास्थ्य
नरैनापुरमा भदौ २ गते पाठेघरको मुखको क्यान्सर पहिचानका लागि निःशुल्क शिविर हुँदै

नरैनापुरमा भदौ २ गते पाठेघरको मुखको क्यान्सर पहिचानका लागि निःशुल्क शिविर हुँदै

शनिबार, साउन ३१, २०८२ बागेश्वरी पोस्ट

नेपालगञ्ज । बाँकेको नरैनापुर गाउँपालिकामा एक दिने निःशुल्क स्वास्थ्य शिविर हुने भएको छ । यही भदौ २ गते नरैनापुर गाउँपालिका २ स्थित प्राथमिक स्वास्थ्य केन्द्रमा एक दिने महिलाहरुको पाठेघरको मुखको क्यान्सर पहिचान तथा बाँझोपन सम्बन्धि निःशुल्क स्वास्थ्य शिविर आयोजना हुन लागेको हो ।

ग्रामीण क्षेत्रका महिलाहरुलाई पाठेघरको मुखको क्यान्सरको पहिचानका लागि नेपाली कांग्रेस क्षेत्रीय कार्यसमिति क्षेत्र नम्बर १ बाँकेद्वारा पूर्व प्रधानमन्त्री तथा कांग्रेस सभापति स्व. सुशील कोइरालाको ८६औं जन्मजयन्तीका अवसरमा एक दिने निःशुल्क शिविर आयोजना गर्न लागिएको हो ।

क्षेत्रीय कमिटीको सामाजिक कार्यक्रम अन्तर्गत दुरदराजका महिलालाई घरदैलोमै विशेषज्ञ सेवा उपलव्ध गराउने योजना अनुरुप निःशुल्क स्वास्थ्य शिविर आयोजना गर्न लागिएको क्षेत्रीय सभापति पोषण केसीले जानकारी दिए ।

नरैनापुर जिल्लाको सदरमुकाम नेपालगञ्जवाट टाढा रहेको छ भने जिल्लाका अन्य पालिकाको तुलनामा नरैनापुरमा पूर्वाधार विकास, सरकारी निकायको उपस्थिति, शिक्षा, स्वास्थ्य लगायतका सेवाको अवस्था कमजोर रहेको छ । सोही अवस्थालाई दृष्टिगत गरी सो गाउँपालिकाका महिलाहरुका लागि निःशुल्क पाठेघरको मुखको क्यान्सर पहिचान तथा बाँझोपन सम्बन्धि स्वास्थ्य शिविर आयोजनाका लागि छनोट गरिएको क्षेत्रीय सभापति केसीले बताए ।

निःशुल्क स्वास्थ्य शिविर सञ्चालनका लागि नरैनापुर गाउँपालिकाको सहयोग तथा नेपालगञ्जस्थित एचसीआरसी अस्पतालको प्राविधिक सहयोग उपलब्ध गराएको नेता केसीले जानकारी दिएका छन् ।

भदौ २ गते हुने शिविरमा विशेषज्ञसहितको स्वास्थ्यकर्मी टोलीले जाँच गर्ने बताइएको छ ।

प्रकाशित मिति: शनिबार, साउन ३१, २०८२ २०:२०

प्रतिक्रिया दिनुहोस्