शीतलहर पूर्व तयारी तथा प्रतिकार्य योजनाका बिषयमा छलफल

स्वास्थ्य

गृहपृष्ठ
स्वास्थ्य
शीतलहर पूर्व तयारी तथा प्रतिकार्य योजनाका बिषयमा छलफल

शीतलहर पूर्व तयारी तथा प्रतिकार्य योजनाका बिषयमा छलफल

बिहीबार, मंसिर ११, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिका स्वास्थ्य र पोषण क्षेत्रगत बैठकमा शीतलहर पूर्व तयारी तथा प्रतिकार्य योजनाका बिषयमा छलफल गरिएको छ । स्वास्थ्य महाशाखा प्रमुख राम बहादुर चन्दको अध्यक्षतामा बसेको बैठकमा स्वास्थ्य र पोषण क्लष्टर समितिमा थप सरोकारवालाहरुलाई समेट्ने निर्णय गरिएको छ ।

विपद् ब्यवस्थापनका लागि सबैले आ-आफनो क्षेत्रबाट पहल र तयारी गर्ने विषयमा पनि छलफल गरिएको आपतकालीन कार्यसञ्चालन केन्द्रका विपद् ब्यवस्थापन अधिकृत रुपन ज्ञवालीले बताए । बैठकमा विगतका घटनाहरुको समिक्षा समेत गरिएको छ । त्यसक्रममा विपद् पूर्व तयारी तथा प्रतिकार्य योजनाको अद्यावधिक, विपद् पूर्व तयारी तथा प्रतिकार्य योजना अन्तर्गत स्वास्थ्य र पोषण क्षेत्रको योजना अद्यावधिक लगायतका विषयमा गहन छलफल गरिएको स्वास्थ्य महाशाखाका जनस्वास्थ्य निरीक्षक राजन शाहीले बताए ।

बैठकमा नेपालगञ्ज उपमहानगरपालिकाका विपद् समिति संयोजक समिरप्रताप सिंह, शिक्षा महाशाखा प्रमुख गोर्ख बहादुर थापा लगायत क्लष्टर सम्बद्ध सरोकारवालाहरुको उपस्थिति थियो । युरोपियन युनियनको आर्थिक सहयोग तथा युएनडिपी, युनिसेफ, युएन ओमन र एचआईको साझेदारी एवम् सिडिएम नेपालको प्राविधिक सहयोगमा नेपालगञ्ज उपमहानगरपालिकामा सञ्चालित सुपर कार्यक्रमले विपद पूर्व तयारी र प्रतिकार्यका लागि काम गरिरहेको छ ।

प्रकाशित मिति: बिहीबार, मंसिर ११, २०८२ २१:४७

प्रतिक्रिया दिनुहोस्