बाँकेमा पश्चिम नेपालमै पहिलोपटक क्यान्सर रोग सम्बन्धि चिकित्सक सम्मेलन हुने

स्वास्थ्य

गृहपृष्ठ
स्वास्थ्य
बाँकेमा पश्चिम नेपालमै पहिलोपटक क्यान्सर रोग सम्बन्धि चिकित्सक सम्मेलन हुने

बाँकेमा पश्चिम नेपालमै पहिलोपटक क्यान्सर रोग सम्बन्धि चिकित्सक सम्मेलन हुने

शुक्रबार, मंसिर १२, २०८२ बागेश्वरी पोस्ट

नेपालगन्ज । बाँकेमा पश्चिम नेपालमै पहिलोपटक क्यान्सर रोग सम्बन्धि चिकित्सक सम्मेलन हुने भएको छ । बाँकेको खजुरास्थित सुशील कोइराला प्रखर क्यान्सर अस्पतालको अयोजना तथा मस्कुलोस्केलेटल अंकोलोजी सोसाइटी अफ नेपाल (मोसन) नेपाल र नेपाल अर्थोपेडिक एशोसियसन (नोए) वेष्टर्न च्याप्टरको सहकार्यमा मंसिर २६ र २७ गते हड्डी, मांसपेशी तथा छाला सम्बन्धि क्यान्सरको बृहत गोष्ठी तथा चिकित्सकीय सम्मेलन हुने भएको हो ।

खजुरामा उद्घाटन सत्र गर्ने र कार्यपत्र प्रस्तुत कार्यक्रम नेपालगन्जमा गर्ने तयारी गरिएको छ । कार्यक्रम गर्नका लागि बनाइएको आयोजक समितिका अध्यक्ष एमएसके अंकोसर्जन डा. गोपाल पौडेलले सम्मेलनमा बाँके र आसपासका जिल्लाका सर्जन, प्याथोलोजिष्ट, अर्थोपेडिक्स, रेडियोलोजिष्ट, मेडिकल अंकोलोजिष्ट तथा रेडियसन अंकोलोजिष्टलाई अस्पतालको सेवाका बारेमा जानकारी दिने र हड्डी, मांसपेशी र छालासम्बन्धि क्यान्सरको नयाँ प्रविधि र अभ्यासका बारेमा छलफल र आफूहरुले काम गर्दा भोगेका भोगाई साटासाट गर्ने बताए । उनले सम्मेलनमा भरतपुर, विराटनगर, काठमाडौं, दाङ, सुर्खेत, कोहलपुर र नेपालगन्जमा कार्यरत क्यान्सर सम्बन्धि चिकित्सकको सहभागिता हुने जानकारी दिए ।

सुशील कोइराला प्रखर क्यान्सर अस्पतालका डाक्टर एवं आयोजक समितिका सचिव क्लिनिकल अंकोलोजिष्ट डा. मुकेश यादवले सम्मेलनमा दुई सय जनाको सहभागिता रहने र ७ देखि ८ लाख हाराहारीमा खर्च हुने अनुमान रहेको बताए ।

प्रकाशित मिति: शुक्रबार, मंसिर १२, २०८२ २०:१८

प्रतिक्रिया दिनुहोस्