अपांगता भएका व्यक्तिको यौन तथा प्रजनन अधिकार सुनिश्चितताका लागि समन्वयात्मक वैठक

स्वास्थ्य

गृहपृष्ठ
स्वास्थ्य
अपांगता भएका व्यक्तिको यौन तथा प्रजनन अधिकार सुनिश्चितताका लागि समन्वयात्मक वैठक

अपांगता भएका व्यक्तिको यौन तथा प्रजनन अधिकार सुनिश्चितताका लागि समन्वयात्मक वैठक

मंगलबार, पुस १, २०८२ बागेश्वरी पोस्ट

नेपालगन्ज । परिवार नियोजन संघ बाँकेले अपांगता भएका व्यक्तिको यौन तथा प्रजनन अधिकार सुनिश्चितताका लागि सरोकारवालासंग समन्वयतात्मक बैठक गरेको छ । मंगलबार नेपालगन्जमा अपांगतामैत्री यौन तथा प्रजनन स्वास्थ्य सेवा सम्बन्धि स्थानीय सरकार र अन्य सरोकारवालासँग बैठक गरिएको परिवार नियोजन संघ बाँकेकी शाखा प्रबन्धक रश्मि श्रेष्ठले जानकारी दिइन् ।

उनले संघले प्रदान गर्दै आएको सेवाहरुसँगै भेस्टिलिटो परियोजनाले अपांगता भएका व्यक्तिहरुलाई लक्षित गर्दै उनीहरुको आवश्यकता अनुसार सेवा, स्वास्थ्यकर्मीको सीप अभिवृद्धि, पहुँचमैत्री संरचना र सरोकारवालाबीच निरन्तर संवाद जस्ता पहल गर्दै आएको पनि बताइन् । परियोजनाले अपांगतामैत्री यौन प्रजनन स्वास्थ्य सेवालाई व्यवहारिक रुपमा लागू गर्ने आधार बनाएको पनि उनको भनाई छ ।

परिवार नियोजन संघ बाँकेका सभापति बदरुदुज्जा खाँको अध्यक्षतामा भएको कार्यक्रममा पत्रकार महासंघ बाँकेका अध्यक्ष नवीन गिरी, अधिकारकर्मी भावुक थापा, टेकराज जैशी लगायतले बोलेका थिए । त्यसैगरी संघले छिट्टै प्रदेशस्तरीय कार्यशाला समेत गर्न लागेको जानकारी गराइएको छ ।

प्रकाशित मिति: मंगलबार, पुस १, २०८२ १८:००

प्रतिक्रिया दिनुहोस्