५० जनाले गरे रक्तदान

स्वास्थ्य

गृहपृष्ठ
स्वास्थ्य
५० जनाले गरे रक्तदान

५० जनाले गरे रक्तदान

शनिबार, चैत ७, २०८२ बागेश्वरी पोस्ट

नेपालगञ्ज । गोपाल नीना फाउन्डेशन नेपाल तथा जनमत अद्र्ध साप्ताहिकको संयुक्त आयोजनामा शनिबार सम्पन्न रक्तदान कार्यक्रममा ५० जनाले रक्तदान गरेका छन् । नेपालगन्जस्थित अन्नपूर्ण ग्यास्ट्रो केयर अस्पताल गणेशमान चोकमा आयोजित कार्यक्रममा रक्तदाताहरूको उत्साहजनक सहभागिता देखिएको थियो ।

उक्त कार्यक्रम जनमतद्वारा सञ्चालन गरिएको ६८ औँ रक्तदान श्रृंखला रहेको सतक रक्तदाता पवन जयसवालले जानकारी दिए । साथै गोपाल नीना फाउन्डेशनले पनि निरन्तर रूपमा यस्ता सामाजिक सेवामूलक रक्तदान कार्यक्रम सञ्चालन गर्दै आएको छ ।

अस्पतालहरूमा देखिँदै आएको रगत अभावको समस्या न्यूनीकरण गर्ने उद्देश्यले नियमित रूपमा यस्ता कार्यक्रम आयोजना गर्ने गरिएको आयोजकले जनाएको छ । यस्ता अभियानले रगत अभावलाई केही हदसम्म समाधान गर्नुका साथै “रक्तदान जीवनदान” भन्ने सन्देश समाजमा फैलाउने र नयाँ रक्तदाताको संख्या बढाउने विश्वास लिइएको छ ।

प्रकाशित मिति: शनिबार, चैत ७, २०८२ २१:०४

प्रतिक्रिया दिनुहोस्