पोषण सुधारका लागि 'जीवनका लागि पोषण कार्यक्रम'

स्वास्थ्य

गृहपृष्ठ
स्वास्थ्य
पोषण सुधारका लागि 'जीवनका लागि पोषण कार्यक्रम'

पोषण सुधारका लागि 'जीवनका लागि पोषण कार्यक्रम'

आइतबार, चैत ८, २०८२ बागेश्वरी पोस्ट

नेपालगञ्ज । पोषण सुधारका लागि बाँकेमा जीवनका लागि पोषण परियोजना सुरु भएको छ । ६ महिनादेखि ५९ महिनासम्मका बालबालिका, गर्भवती र सुत्केरी महिला तथा नवजात शिशुको पोषण सुधारका लागि परियोजना सुरु भएको हो । हेलेन केलर इन्टरनेशनलको साझेदारी र जिल्ला स्वास्थ्य कार्यालय बाँकेको समन्वयमा बाँके युनेस्को क्लबले परियोजना सञ्चालन गर्दैछ ।

आज नेपालगञ्जमा परियोजना परिचयात्मक कार्यक्रम गरिएको छ । जनप्रतिनिधि, स्वास्थ्यकर्मी लगायत सरोकारवाला उपस्थित कार्यक्रममा परियोजनाबारे जानकारी दिइएको छ । नेपालगञ्ज उपमहानगरपालिकाका प्रमुख प्रशान्त विष्टको अध्यक्षता एवम् जिल्ला समन्वय समिति बाँकेका प्रमुख ज्ञानेन्द्र कुमार चौधरीको प्रमुख आतिथ्यतामा सम्पन्न कार्यक्रममा हेलेन केलरका लिल बहादुर नेपालीले एक बर्षे परियोजनाबारे जानकारी गराएका थिए । जिल्ला समन्वय समिति प्रमुख चौधरीले एकीकृत पहलबाट पोषण सुधारका लागि काम गर्नुपर्ने आवश्यकता औंल्याए । नगर प्रमुख प्रशान्त विष्टले पोषण अवस्थामा सुधार ल्याउन सबैको हातेमालो र प्रतिबद्धतामा जोड दिए । हेलेन केलर इन्टरनेशनलका लुम्बिनी प्रदेश कार्यक्रम प्रमुख शशिदेव शाहले परियोजना सञ्चालन गर्नुको पृष्ठभूमि, आवश्यकता र उद्देश्यबारे प्रकाश पारेका थिए ।

कार्यक्रममा स्वास्थ्य कार्यालय बाँकेका प्रमुख सुनिता पौडेल, नेपालगञ्ज २० का वडा अध्यक्ष कौशल कुमार धोबी, बाँके युनेस्को क्लबका सहअध्यक्ष निरज कुमार गौतम लगायतले बोलेका थिए । लुम्बिनी प्रदेश र मधेश प्रदेशमा कुपोषणको समस्या विकराल छ । यही अवस्थालाई मध्यनजर गर्दै परियोजना सुरु गरिएको हो । बाँकेमा पनि मधेशी समुदायमा कुपोषण जटिल अवस्थामा रहेको सरोकारवालाहरु बताउँछन् ।

प्रकाशित मिति: आइतबार, चैत ८, २०८२ १४:०८

प्रतिक्रिया दिनुहोस्