बैजनाथमा निःशुल्क प्राथमिक कान उपचार शिविरः ८१६ जनाको कान चेकजाँच

स्वास्थ्य

गृहपृष्ठ
स्वास्थ्य
बैजनाथमा निःशुल्क प्राथमिक कान उपचार शिविरः ८१६ जनाको कान चेकजाँच

बैजनाथमा निःशुल्क प्राथमिक कान उपचार शिविरः ८१६ जनाको कान चेकजाँच

मंगलबार, चैत १०, २०८२ बागेश्वरी पोस्ट

नेपालगञ्ज । बाँकेको बैजनाथमा निःशुल्क प्राथमिक कान उपचार शिविर गरिएको छ । ब्रिनोज कान स्वास्थ्य सामुदायिक सेवा केन्द्र फुल्टेका-५ नेपालगञ्ज बाँकेको आयोजना र बैजनाथ गाउँपालिकाको समन्वयमा पालिकाका सबै वडामा निःशुल्क प्राथमिक कान उपचार शिविर गरिएको हो ।

शिविरमा ८१६ जनाको कान चेकजाँच गरिएको छ । त्यसमा कान पाक्ने समस्या भएका १२७, काने गुजी १०२ जना र ३५ जनाको कानको शल्यक्रिया गर्नुपर्ने अवस्थाका विरामी फेला परेको ब्रिनोज कान स्वास्थ्य सामुदायिक सेवा केन्द्रका आउटरिच इन्जार्च भीषण कुमार थारुले बताए ।

ग्रामीण क्षेत्रमा कान स्वास्थ्यबारे सचेतना फैलाउन र उपचारको पहुँचमा ल्याउन स्थानीय सरकारसँगको समन्वयमा ब्रिनोज कान स्वास्थ्य सामुदायिक सेवा केन्द्रले निःशुल्क शिविर गर्दै आएको छ । जटिल समस्या भएका बिरामीको पहिचान गरेर उनीहरुलाई विशेष छुटको व्यवस्था गरेर केन्द्रमै शल्यक्रिया सेवा समेत प्रदान गर्दै आएको प्रमुख चेतनारायण चौधरीले बताए ।

बैजनाथमा आयोजना गरिएको शिविरमा कान सहायक चिकित्सक समेत रहेका आउटरिच इन्चार्ज भीषण कुमार थारु, दामोदर चौधरी, सीता चौधरी र तिर्थमान थारुले बिरामीको कान चेकजाँच गरेका थिए ।

प्रकाशित मिति: मंगलबार, चैत १०, २०८२ १०:५८

प्रतिक्रिया दिनुहोस्