भवनियापुरमा जेष्ठ नागरिक स्वास्थ्य प्रबद्र्धन कार्यक्रमः ५५ जना लाभान्वित

स्वास्थ्य

गृहपृष्ठ
स्वास्थ्य
भवनियापुरमा जेष्ठ नागरिक स्वास्थ्य प्रबद्र्धन कार्यक्रमः ५५ जना लाभान्वित

भवनियापुरमा जेष्ठ नागरिक स्वास्थ्य प्रबद्र्धन कार्यक्रमः ५५ जना लाभान्वित

आइतबार, वैशाख २७, २०८३ बागेश्वरी पोस्ट

नेपालगञ्ज । नेपालगञ्जको भवनियापुरमा जेष्ठ नागरिक स्वास्थ्य प्रबद्र्धन कार्यक्रम सम्पन्न भएको छ । नेपालगञ्ज उपमहानगरपालिका वडा नम्बर १४ स्थित भवनियापुर आयुर्वेद औषधालयको आयोजनामा सम्पन्न कार्यक्रममा २६ पुरुष र २९ जना महिला गरी ५५ जना स्थानीय लाभाविन्त भएको औषधालय प्रमुख डा. मनोज कुमार यादवले जानकारी दिए । वडा नम्बर १४ का वडा अध्यक्ष मजहर अलि साईको अध्यक्षतामा गरिएको जेष्ठ नागरिक प्रबद्र्धन कार्यक्रममार्फत स्वास्थ्य जेकजाँचसंगै निःशुल्क औषधि प्राप्त गरेपछि जेष्ठ नागरिक खुसी छन् ।

आयुर्वेद चिकित्सा पद्धतिको महत्व र उपचार संस्कृतिको विकास गर्न जेष्ठ नागरिक लक्षित कार्यक्रम गरिएको डा. यादवले बताए । कार्यक्रममा स्वास्थ्य परीक्षणसंगै आयुर्वेद परामर्श, स्वस्थ आहार तथा जीवनशैली, योग एवम् प्रणायामको महत्वबारे जानकारी समेत प्रदान गरिएको औषधालय प्रमुख डा. यादवको भनाई छ । त्यस अवसरमा नेपालगञ्ज उपमहानगरपालिका आयुर्वेद शाखा प्रमुख डा. सुरेश पुन लगायतको पनि उपस्थिति थियो ।

प्रकाशित मिति: आइतबार, वैशाख २७, २०८३ १७:२२

प्रतिक्रिया दिनुहोस्