लकडाउन खुले लगत्तै एसईई : शिक्षा मन्त्रालय

स्वास्थ्य

गृहपृष्ठ
स्वास्थ्य
लकडाउन खुले लगत्तै एसईई : शिक्षा मन्त्रालय

लकडाउन खुले लगत्तै एसईई : शिक्षा मन्त्रालय

शुक्रबार, चैत २१, २०७६ बागेश्वरी पोस्ट

शिक्षा, विज्ञान तथा प्रविधि मन्त्रालय

काठमाडौँ । शिक्षा, विज्ञान तथा प्रविधि मन्त्रालयले लकडाउन खुलेलगत्तै माध्यमिक शिक्षा परीक्षा (एसईई) हुने जनाएको छ । त्यसका निम्ति परीक्षार्थीले तनाव नलिई परीक्षा तयारी गर्न मन्त्रालयले आग्रह गरेको छ ।

‘चैत २५ गते लकडाउन सकिएलगत्तै सरकारले गर्ने निर्णयपछि एसईई परीक्षाको नयाँ तालिका सार्वजनिक गरिने छ,त्यसैले परीक्षाको तयारीमा रहेका विद्यार्थीले तनाव नलिई आफ्नो पाठ्यपुस्तक रिभिजन गर्नु होस् । अनावश्यक हल्लाको पछाडि नलाग्नोस् । सरकारको आधिकारिक धारणा उपयुक्त समयमा जारी हुनेछ ।’ मन्त्रालयका सहसचिव तथा प्रवक्ता दीपक शर्माले भने ।

परीक्षा तयारीमा रहेका विद्यार्थीले घरमै बसेर एसईई परीक्षालाई लक्षित सामग्री हेर्न, पढ्न सक्ने व्यवस्था रहेको मन्त्रालयले जनाएको छ । मन्त्रालयको वेबसाइट, युटुब र टेलिभिजनमा केही विषयका परीक्षा तयारी सामग्री पढ्न, हेर्न र बुझ्न पाउने व्यवस्था रहेको छ ।

यो वर्ष ४ लाख ८२ हजार ७ सय ७ जनाले एसईई दिने तयारीमा रहेको राष्ट्रिय परीक्षा बोर्डको रेकर्डमा जनाइएको छ । मन्त्रालयले कोभिड–१९ को संत्रासका कारण चैत ६ गतेबाट हुने परीक्षा स्थगित गरेको थियो । साझापोस्टबाट

प्रकाशित मिति: शुक्रबार, चैत २१, २०७६ २०:२९

प्रतिक्रिया दिनुहोस्