राप्तीसोनारीको बैजापुर स्वास्थ्य चौकीमा अबदेखि डाक्टर सेवा

स्वास्थ्य

गृहपृष्ठ
स्वास्थ्य
राप्तीसोनारीको बैजापुर स्वास्थ्य चौकीमा अबदेखि डाक्टर सेवा

राप्तीसोनारीको बैजापुर स्वास्थ्य चौकीमा अबदेखि डाक्टर सेवा

बिहीबार, जेठ ८, २०७७ बागेश्वरी पोस्ट

नेपालगन्ज । राप्तीसोनारी गाउँपालिकाको बैजापुरमा स्वास्थ्य चौकीमा पहिलो पटक डाक्टरले सेवा दिने भएका छन् ।

राप्तीसोनारी गाउँपालिकाको वडा नम्बर ४ स्थित बैजापुर स्वास्थ्य चौकीमा डाक्टरले बुधबारदेखि सेवा दिएको गाउँपालिकाका अध्यक्ष लाहुराम थारुले बताउनुभएको छ।

अहिले सम्म अहेबबाट दिइरहेको सेवालाई बिस्तार गरेर डाक्टरले सेवा दिने भएपछि स्थानियहरु पनि खुशी भएको अध्यक्ष थारुले भन्नुभयो। अहिलेको बिषम परिस्थितिलाई मध्यनजर गर्दै डाक्टर अति आबश्यक भएकाले चिकित्सक सेवा सुचारु गरेको गाउँपालिकाका प्रमुख प्रशासकीय अधिकृत दलबहादुर बस्नेतले जानकारी दिनुभयो।

प्रशासकीय अधिकृत बस्नेतका अनुसार अबदेखि गाउँपालिकाको स्वास्थ्य चौकीमा डाक्टरले सेवा दिदा स्थानीयहरुलाई धेरै राहत मिल्ने भएको छ। उक्त बैजापुर स्वास्थ्य चौकिलाई स्तरोन्नति गरि १५ सैयाको अस्पताल बनाउने क्रममा समेत रहेको प्रशासकीय अधिकृत बस्नेतले बताउनुभयो। बैजापुर स्वास्थ्य चौकीमा डाक्टर गोबिन्द थारुलाई नियुक्त गरिएको छ भने उहाले २४ सै घन्टा आफुले बिरामीको सेवा गर्ने बताउनुभएको छ।

प्रकाशित मिति: बिहीबार, जेठ ८, २०७७ ०८:४७

प्रतिक्रिया दिनुहोस्