नेपालगन्ज रुपैडिहा सिमा नाका केही समयका लागी बन्द

विश्व

गृहपृष्ठ
विश्व
नेपालगन्ज रुपैडिहा सिमा नाका केही समयका लागी बन्द

नेपालगन्ज रुपैडिहा सिमा नाका केही समयका लागी बन्द

शनिबार, कात्तिक २३, २०७६ सुनिल रेग्मी

नेपालगन्ज । नेपालगन्ज रुपैडिहा सिमा नाका बन्द गरिएको छ। भारतको अयोध्यास्थित राम मन्दिर र बाबरी मस्जिद विवादको मुद्दामा फैसला आज सुनाइने भएकाले हुन सक्ने केही सम्भाबित घटनालाई मध्यनजर गर्दै भारतले एक तर्फी नाका सिल गरेको हो।
आज भारतको सुप्रिमकोर्टले फैसला सुनाउदै छ। जिल्ला प्रहरी कार्यालय बाँकेका प्रबक्ता डिएसपी शिव सिंहका अनुसार भारतले आज बिहानैदेखि केही समयका लागि नेपालगञ्ज नाका बन्द गरेको हो । फैसला पछि कुनै पनि अप्रिय घटना नहोस् भनेर भारतले एक एकपक्षिय रुपमा नेपालगन्ज रुपैडिहा नाका सील गरेको भारतले जानकारी दिएको डिएसपी सिंहले बताए। नाका सिल गरेपछि भारतबाट नेपालगन्ज आउने र भारत जाने यात्रुहरु बिचमै रोकिएका छन्।
सिल गरिएको बन्द नाका कहिले खुल्छ भन्ने एकिन जानकारी नभएको प्रबक्ता सिंहले बताए।

प्रकाशित मिति: शनिबार, कात्तिक २३, २०७६ ०८:४८

प्रतिक्रिया दिनुहोस्