पाल्पामा ३० वर्षीया महिलाको कोरोनाबाट मृत्यु

स्वास्थ्य

गृहपृष्ठ
स्वास्थ्य
पाल्पामा ३० वर्षीया महिलाको कोरोनाबाट मृत्यु

पाल्पामा ३० वर्षीया महिलाको कोरोनाबाट मृत्यु

शनिबार, भदौ १३, २०७७ बागेश्वरी पोस्ट

सांंकेतिक तस्बिर

बुटवल । एक जना महिलाको कोरोना संक्रमणबाट मृत्यु भएको छ। लुम्बिनी मेडिकल कलेज पाल्पामा उपचाररत एक कोरोना संक्रमित महिलाको मृत्यु भएको हो ।

पाल्पाको तानसेन नगरपालिका ८ मदनपोखराकी ३० वर्षीया महिलाको मृत्यु भएको हो । भदौ ५ गते स्वास्थ्यमा समस्या भएपछि मेडिकल कलेज गएकी उनमा कोरोनासँग मिल्दोजुल्दो लक्षण देखिएपछि स्वाब परीक्षण गर्दा भदौ ७ गते कोरोना पुष्टि भएको थियो ।

कोरोना देखिएपछि उनी सोही दिनदेखि आइसोलेसनमा उपचाररत थिइन् । स्वास्थ्य अवस्था जटिल बन्दै गएपछि शुक्रबार बिहानदेखि भेन्टिलेटरमा राखेर उपचार भइरहेकोमा बेलुका ६ः३० बजे उनको मृत्यु भएको मेडिकल कलेजका मेडिकल निर्देशक राजु शाक्यले जानकारी दिएका छन् ।

प्रकाशित मिति: शनिबार, भदौ १३, २०७७ ०७:२०

प्रतिक्रिया दिनुहोस्