डा. गोविन्द केसी भेरी अस्पतालको आईसीयूूमा

स्वास्थ्य

गृहपृष्ठ
स्वास्थ्य
डा. गोविन्द केसी भेरी अस्पतालको आईसीयूूमा

डा. गोविन्द केसी भेरी अस्पतालको आईसीयूूमा

सोमबार, असोज ५, २०७७ बागेश्वरी पोस्ट

डा. केसीलाई भेरीको आईसीयूूमा लैजादै

नेपालगन्ज । डा. गोबिन्द केसीलाई आज भेरी अस्पतालमा राखिएको छ।

जुम्लाबाट नेपालगन्ज आएका डा.केसीलाई अहिले स्वास्थ्य संबेदनसिलताको मध्यनजर गर्दै भेरी अस्पतालको आईसीयूमा राखेर उपचार गरिरहेको भेरी अस्पताल श्रोतले बताएको छ। डा.केसीको भेरी अस्पतालका फिजिसीएन डा. सन्केत रिसाल, डा. निर्मल शाक्य र काठमाडौंबाट आएका डा. प्रबिण गिरीले उपचारमा सघाईरहेका छन् ।

जुम्लाबाट आएका डा. केसी राझाबाट एम्बुलेन्समा नेपालगन्ज आएका हुन् । उनी काठमाडौं जान नपाएका कारण उनलाई नेपालगन्जको भेरी अस्पतालको आईसीयूूमा ल्याइएको हो। उनी जुम्लामा अनशन बस्दै आएका थिए।

डा. केसी मंगलबार काठमाडौं जाने तयारी रहेको अस्पताल श्रोतले जानकारी दिएको छ। जुम्लामा अनशन बसेको आठौं दिन आज डा. केसीले काठमाडौं पुगेर नै सत्याग्रह जारी राख्ने बताएर नेपालगन्ज आएका थिए ।

भेरी अस्पतालको आईसीयूूमा रहेका डा. केसीको स्वास्थ्य अवस्था ठिक रहेको अस्पतालले जानकारी दिएको छ।

प्रकाशित मिति: सोमबार, असोज ५, २०७७ १९:१५

प्रतिक्रिया दिनुहोस्