नेपाल अत्यधिक कोरोना संक्रमित हुने देशहरुको सूचिमा ३९औं स्थानमा

स्वास्थ्य

गृहपृष्ठ
स्वास्थ्य
नेपाल अत्यधिक कोरोना संक्रमित हुने देशहरुको सूचिमा ३९औं स्थानमा

नेपाल अत्यधिक कोरोना संक्रमित हुने देशहरुको सूचिमा ३९औं स्थानमा

मंगलबार, असोज २७, २०७७ बागेश्वरी पोस्ट

नेपालगन्ज । नेपाल अत्यधिक कोरोना संक्रमित हुने देशहरुको सूचिमा ३९औं स्थानमा पुगेको छ । वर्ल्डोमिटरका अनुसार हालसम्म संसारका २१६ देशहरुमा कोरोना भाइरसको संक्रमण देखिएको छ । विश्वका १७७ देशहरुलाई पछि पारिरहेको नेपालमा पछिल्लो समय कोरोना संक्रमण तीव्र बनिरहेको छ ।

नेपालले पछिल्ला केही दिनहरुमा चीन, जापान, पोर्चुगल, कोस्टारिका, ग्वाटेमाला, स्वीडेन, इजिप्ट, ओमन, युएई, कजाकिस्तान लगायतका देशहरुलाई पछि पारिसकेको छ ।

नेपालमा १ लाख ११ हजार ८९३ जना संक्रमित भएको वर्ल्डोमिटरले जनाएको छ । हालसम्म कोरोनाका कारण सङ्क्रमित भएका मध्ये ७७ हजार २७७ जना सङ्क्रमणमुक्त भएका छन् । पछिल्लो २४ घण्टामा मात्र १४ सय ७३ जना सङ्क्रमणमुक्त भएका छन् यस्तै पछिल्लो २४ घण्टामा ४ हजार ४७ जनालाई कोरोना भाइरसको सङ्क्रमण पुष्टि भएको छ ।

देशभरका प्रयोगशालामा नमुना परीक्षण गर्दा उनीहरुमा सङ्क्रमण पुष्टि भएको र यो संगै नेपालमा कोरोना हुनेको सङ्ख्या १ लाख ११ हजार ८ सय २ पुगेको स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले जानकारी दिए । बितेको २४ घण्टामा थपिएका सङ्क्रमितमध्ये २ हजार २८३ जन काठमाडौं उपत्यकाका छन् । काठमाडौंका १ हजार ८८८, ललितपुरका २७७ र भक्तपुरका ११८ जना छन् ।

यससँगै कुल सङ्क्रमितको संख्या १ लाख ११ हजार ८०२ पुगेको छ । हाल देशभर ३३ हजार ८८० सक्रिय सङ्क्रमित छन् । सङ्क्रमित मध्ये ६४५ जनाको मृत्यु भएको छ ।

प्रकाशित मिति: मंगलबार, असोज २७, २०७७ १०:४४