देशभर २२ सय २५ नयाँ संक्रमित थपिए, २८ सय ४६ निको

स्वास्थ्य

गृहपृष्ठ
स्वास्थ्य
देशभर २२ सय २५ नयाँ संक्रमित थपिए, २८ सय ४६ निको

देशभर २२ सय २५ नयाँ संक्रमित थपिए, २८ सय ४६ निको

शनिबार, कात्तिक ८, २०७७ बागेश्वरी पोस्ट

नेपालगन्ज । देशभर आज थप २ हजार २ सय २५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङका क्रममा प्रवक्ता डा.जागेश्वर गौतमले नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख ५५ हजार २ सय ३३ पुगेको बताउनुभयो ।

यसैगरी पछिल्लो २४ घण्टामा कोरोनामुक्त भएर २ हजार ८ सय ४६ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या १ लाख ८ हजार ३ सय ३४ जना पुगेको छ । त्यस्तै पछिल्लो २४ घण्टामा नेपालमा थप १३ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ ।

यो सँगै नेपालमा कोरोना संक्रमणबाट मृत्यु हुनेको संख्या ८ सय ४२ पुगेको छ ।

प्रकाशित मिति: शनिबार, कात्तिक ८, २०७७ १६:३३