तरुण दलको बाँके बन्दले पुरै जिल्ला प्रभावित

राजनीति

गृहपृष्ठ
राजनीति
तरुण दलको बाँके बन्दले पुरै जिल्ला प्रभावित

तरुण दलको बाँके बन्दले पुरै जिल्ला प्रभावित

शुक्रबार, कात्तिक २९, २०७६ सौरभ गिरी

नेपालगन्ज । बन्दको कारण बाँकेको जनजीवन प्रभावित बनेको छ। शुक्रबार नेपाल तरुणदल बाँकेले आव्हान गरेको बन्दका कारण आज बिहानैदेखि जनजीवन प्रभावित भएको छ ।

बन्दका कारण सार्वजनिक यातायात, विद्यालय, कलकारखाना व्यापार व्यावसाय प्रभावित भएका छन् । हतियारसहित पक्राउ परेका तरुणदलका नेपालगन्ज नगर सभापति संदिपजंग शाहको रिहाईको मागका साथै प्रहरी प्रशासनले सत्ताको आडमा आफ्ना कार्यकर्ताहरुलाई अनाहकमा दुख दिएको भन्दै बन्द आव्हान गरीएहो हो ।

बन्द आव्हानकर्ताहरु शुक्रबार बिहानैदेखि नेपालगन्जको बीपिचोक, कारकादो, खजुरा र कोहलपुर चौराह लगायत कुसुममा झण्डासहित प्रदर्शन गर्नुको साथै आवागमन ठप्प पारेका छन् । तरुण दल बाँकेले प्रहरीले नगरसभापति शाहलगायत आफ्ना कार्यकर्तालाई अनाहकमा दुख दिएको भन्दै चरणबद्ध आन्दोलनमा छ ।