बाँकेमा एकै दिन ४ जना कोरोना संक्रमितको मृत्यु

स्वास्थ्य

गृहपृष्ठ
स्वास्थ्य
बाँकेमा एकै दिन ४ जना कोरोना संक्रमितको मृत्यु

बाँकेमा एकै दिन ४ जना कोरोना संक्रमितको मृत्यु

आइतबार, कात्तिक १६, २०७७ बागेश्वरी पोस्ट

सांंकेतिक तस्बिर

नेपालगञ्ज । बाँकेमा उपचारका क्रममा एकै दिन ४ जना कोरोना संक्रमितहरुको मृत्यु भएको छ ।

जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार नेपालगन्ज मेडिकल कलेज शिक्षण अस्पताल कोहलपुरमा उपचारको क्रममा दाङको घोराही उपमहानगरपालिका–४ का ७० वर्षीय पुरुषको बिहान पाँच बजे, तुलसीपुर उपमहानगरपालिका–१८ का ७० वर्षका पुरुषको दिउँसो २.४५ बजे, नेपालगन्ज उपमहानगरपालिका २० की ६० वर्षीया महिलाको साँझ ५.३० बजे र कैलालीको टिकापुर नगरपालिका वडा नम्बर १ का ६० बर्षीय पुरुषको राति १ बजे भेरी अस्पतालमा मृत्यु भएको हो ।

यो सँगै बाहिरी जिल्लाबाट बाँकेमा उपचार गर्न आएका २० जना कोरोना संक्रमित मृत्यु भएको छ भने बाँके जिल्लामा ३१ जना कोरोना संक्रमितको मृत्यु भएको छ ।

प्रकाशित मिति: आइतबार, कात्तिक १६, २०७७ ०६:५४

प्रतिक्रिया दिनुहोस्