कोरोना संक्रमित रोल्पाका ५६ वर्षीय पुरुषको नेपालगन्जमा मृत्यु

स्वास्थ्य

गृहपृष्ठ
स्वास्थ्य
कोरोना संक्रमित रोल्पाका ५६ वर्षीय पुरुषको नेपालगन्जमा मृत्यु

कोरोना संक्रमित रोल्पाका ५६ वर्षीय पुरुषको नेपालगन्जमा मृत्यु

आइतबार, कात्तिक २३, २०७७ बागेश्वरी पोस्ट

सांंकेतिक तस्बिर

नेपालगन्ज । कोरोना संक्रमणबाट रोल्पाका एक पुरुषको नेपालगन्जमा उपचारका क्रममा मृत्यु भएको छ । लिवाङ नगरपालिका वडा नम्बर ४ का ५६ वर्षीय पुरुषको गएराति सवा १२ बजे भेरी अस्पतालमा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

स्वास्थ्यमा समस्या देखिएपछि सुरुमा रेउघा अस्पतालमा स्वास्थ्य जाँच गराएका उनलाई कार्तिक १४ गते नेपालगन्ज मेडिकल कलेज कोहलपुर ल्याइएको थियो । कोभिडको आशंकामा स्वाब संकलन गरेर परिक्षण गर्दा १५ गते उनमा कोरोना पुष्टि भएको थियो । त्यसपछि कार्तिक १६ गते उनलाई भेरी अस्पतालमा ल्याइएको थियो । परिवारका अनुसार विगत १ महिनादेखि उनमा जण्डिसको समस्या थियो ।

यो संगै बाँकेमा बाहिरी जिल्लाबाट उपचारका लागि आएका २९ जना कोरोना संक्रमितको मृत्यु भएको छ ।

प्रकाशित मिति: आइतबार, कात्तिक २३, २०७७ ०७:२६

प्रतिक्रिया दिनुहोस्