देशभर २५७१ संक्रमित थप, १७९८ जना 'डिस्चार्ज'

स्वास्थ्य

गृहपृष्ठ
स्वास्थ्य
देशभर २५७१ संक्रमित थप, १७९८ जना 'डिस्चार्ज'

देशभर २५७१ संक्रमित थप, १७९८ जना 'डिस्चार्ज'

सोमबार, कात्तिक २४, २०७७ बागेश्वरी पोस्ट

नेपालगन्ज । पछिल्लो २४ घण्टामा देशभरका विभिन्न स्थानका थप दुई हजार ५७१ जनामा कोरोना भाइरसको संक्रमण देखिएको छ । यो सँगै कुल सङ्क्रमितको संख्या एक लाख ९७ हजार २४ जना पुगेको स्वास्थ्य तथा जनसङ्ख्या मन्त्रालयले पुष्टि गरेको छ।

आजै एक हजार ७९८ जना डिस्चार्ज भएको स्वास्थ्य मन्त्रालयबाट जारी विज्ञप्तीमा उल्लेख गरिएको छ। हालसम्म नेपालमा एक लाख ५९ हजार ७२४ जना सङ्क्रमितहरु निको भएका छन् भने ३६ हजार १७४ जना सक्रिय सङ्क्रमित रहेका छन्। गत २४ घण्टामा १८ जना कोरोना सङ्क्रमितको मृत्यु भएको छ भने कुल एक हजार १२६ जनाले ज्यान गुमाएका छन्।

नेपालमा कोरोनामुक्त जिल्ला मनाङ मात्र रहेको छ। काठमाडौँ, ललितपुर, भक्तपुर, चितवन, मकवानपुर, काभ्रेपलाञ्चोक, कास्की, नवलपरासी (पुर्व), दाङ, रुपन्देही, झापा, सुनसरी र मोरङ जिल्लामा ५ सय भन्दा बढी सङ्क्रमित रहेका छन्।

प्रकाशित मिति: सोमबार, कात्तिक २४, २०७७ १९:१६

प्रतिक्रिया दिनुहोस्