देशभर २ हजार १ सय ११ संक्रमित थपिए, ३,५३७ जना डिस्चार्ज

स्वास्थ्य

गृहपृष्ठ
स्वास्थ्य
देशभर २ हजार १ सय ११ संक्रमित थपिए, ३,५३७ जना डिस्चार्ज

देशभर २ हजार १ सय ११ संक्रमित थपिए, ३,५३७ जना डिस्चार्ज

शुक्रबार, कात्तिक २८, २०७७ बागेश्वरी पोस्ट

नेपालगन्ज । पछिल्लो २४ घण्टामा देशभरका विभिन्न स्थानका थप दुई हजार १११ जनामा कोरोना भाइरसको संक्रमण देखिएको छ । योसँगै कुल सङ्क्रमितको संख्या दुई लाख ६ हजार ३५३ जना पुगेको स्वास्थ्य तथा जनसङ्ख्या मन्त्रालयले पुष्टि गरेको छ।

आजै तीन हजार ५३७ जना डिस्चार्ज भएको स्वास्थ्य मन्त्रालयबाट जारी विज्ञप्तीमा उल्लेख गरिएको छ। हालसम्म नेपालमा एक लाख ६८ हजार १२९ जना सङ्क्रमितहरु निको भएका छन् भने ३७ हजार २२ जना सक्रिय सङ्क्रमित रहेका छन्। गत २४ घण्टामा १३ जना कोरोना सङ्क्रमितको मृत्यु भएको छ भने कुल एक हजार २०२ जनाले ज्यान गुमाएका छन्।

नेपालमा कोरोनामुक्त जिल्ला मनाङ मात्र रहेको छ। काठमाडौँ, ललितपुर, भक्तपुर, चितवन, मकवानपुर, काभ्रेपलाञ्चोक, कास्की, नवलपरासी (पुर्व), दाङ, रुपन्देही, कैलाली, झापा, सुनसरी र मोरङ जिल्लामा ५ सय भन्दा बढी सङ्क्रमित रहेका छन्।

प्रकाशित मिति: शुक्रबार, कात्तिक २८, २०७७ १७:३७