स्वास्थ्य राज्यमन्त्री रावतद्वारा भेरी अस्पतालको निरिक्षण

स्वास्थ्य

गृहपृष्ठ
स्वास्थ्य
स्वास्थ्य राज्यमन्त्री रावतद्वारा भेरी अस्पतालको निरिक्षण

स्वास्थ्य राज्यमन्त्री रावतद्वारा भेरी अस्पतालको निरिक्षण

सोमबार, मंसिर ८, २०७७ बागेश्वरी पोस्ट

नेपालगन्ज । स्वास्थ्य राज्यमन्त्री नवराज रावतले भेरी अस्पतालको निरिक्षण गर्नुभएको छ । राज्यमन्त्री रावतले अस्पतालको भौतिक संरचना र सेवा प्रवाहको अवस्थाबारे विहान निरिक्षण गर्नुभएको हो ।

उहाँले पश्चिम नेपालको रेफरल अस्पतालको रुपमा रहेको भेरी अस्पतालको पुरानो संरचना भत्काएर नयाँ निर्माणका लागि योजना बनाउन निर्देशन समेत दिनुभयो । उहाँले कोरोना संक्रमित विरामीको उपचारमा भेरी अस्पतालले महत्वपूर्ण भूमिका निर्वाह गरेको बताउँदै थप सुविधा सम्पन्न बनाउन पहल गर्ने आश्वासन दिनुभयो ।

मन्त्री रावतले नयाँ प्रविधि र उपकरणको प्रयोगमा जोड दिनुभयो । त्यस अवसरमा भेरी अस्पताल विकास समितिका अध्यक्ष प्रमोदकुमार धिताल, मेडिकल सुपरिटेन्डेन्ट डा. प्रकाशबहादुर थापाले अस्पतालको अवस्था, योजना र सुधारका लागि भइरहेका प्रयासबारे जानकारी गराउनुभएको थियो । त्यही क्रममा मन्त्री रावतलाई मेडिकल कलेज संचालन लगायत अन्य संरचना निर्माणका लागि ज्ञापनपत्र बुझाइएको थियो । अध्यक्ष धिताल र मेडिकल सुपरिटेन्डेन्ट डा. थापाले ज्ञापन पत्र बुझाउनुभयो ।

प्रकाशित मिति: सोमबार, मंसिर ८, २०७७ ११:४६

प्रतिक्रिया दिनुहोस्