कोरोना संक्रमणबाट दाङकी एक महिलाको कोहलपुरमा मृत्यु

स्वास्थ्य

गृहपृष्ठ
स्वास्थ्य
कोरोना संक्रमणबाट दाङकी एक महिलाको कोहलपुरमा मृत्यु

कोरोना संक्रमणबाट दाङकी एक महिलाको कोहलपुरमा मृत्यु

बुधबार, मंसिर १०, २०७७ बागेश्वरी पोस्ट

सांंकेतिक तस्बिर

नेपालगञ्ज । कोरोना संक्रमणबाट दाङकी एक महिलाको कोहलपुरमा मृत्यु भएको छ । तुलसीपुर उपमहानगरपालिका वडा नम्बर ६ की ७७ बर्षीया महिलाको नेपालगन्ज मेडिकल कलेज कोहलपुरमा गएराति सवा १२ बजे मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

स्वास्थ्यमा समस्या आए पश्चात् मंसिर ५ गते नेपालगञ्ज मेडिकल कलेज कोहलपुरमा भर्ना भएकी उनको कोभिडको आशंकामा त्यसै दिन स्वाब संकलन गरिएको थियो ।

मंसिर ६ गते उनमा कोरोना पुष्टि भएको थियो । विरामीकोे रोगको प्रकृति अनुसार उपचार गरिएपनि स्वास्थ्यमा सुधार नभएपछि उनको गएराति मृत्यु भएको श्रेष्ठले जानकारी दिनुभयो ।

यो संगै बाँकेमा उपचारका लागि बाहिरी जिल्लाबाट आएका ४९ जनाको कोरोना संक्रमणबाट मृत्यु भएको छ ।

प्रकाशित मिति: बुधबार, मंसिर १०, २०७७ ०७:५७