दाङका शिक्षा क्षेत्रका हस्ती ओब बहादुर डाँगीलाई कोरोना संक्रमण

स्वास्थ्य

गृहपृष्ठ
स्वास्थ्य
दाङका शिक्षा क्षेत्रका हस्ती ओब बहादुर डाँगीलाई कोरोना संक्रमण

दाङका शिक्षा क्षेत्रका हस्ती ओब बहादुर डाँगीलाई कोरोना संक्रमण

मंगलबार, मंसिर १६, २०७७ बागेश्वरी पोस्ट

नेपालगञ्ज । दाङ जिल्लाका शिक्षा क्षेत्रका हस्ती ओब बहादुर डाँगीलाई कोरोना संक्रमण भएको छ। दाङस्थित घरमा रहेको समयमा ७२ बर्षीय डाँगी अस्वस्थ भएपछि आइतबार राति नेपालगञ्ज मेडिकल कलेज नेपालगञ्ज ल्याइएको थियो ।

फोक्सोमा निमोनिया देखिएका कारण फिजिसियन तथा फोक्सो रोग विशेषज्ञ डा. सुभाष योगीको सल्लाहमा उहाँको सोमबार बिहान कोरोना परिक्षणका लागि स्वाब लिई अस्पतालको कोरोना आइसोलेसन वार्डमा भर्ना गरिएको थियो । सोमबार साँझ कोरोना पोजेटिभ रिपोर्ट आए पश्चात् उहाँलाई नेपालगञ्ज मेडिकल कलेज कोहलपुरको कोरोना उपचार वार्डको आइसियु कक्षमा भर्ना गरिएको छ ।

उहाँको स्वास्थ्यमा सुधार हुँदै गइरहेको छोरा सन्तोष डाँगीले बताउनुभयो । अक्सिजनको मात्रा कम भएकाले अक्सिजन दिइएपनि अवस्था चिन्ताजनक नरहेको चिकित्सकहरुले बताएका छन् ।

डाँगी ३६ बर्षसम्म शिक्षण पेशामा आबद्ध रहनुभएको थियो । शिक्षण पेशाको ३६ बर्षे अवधिमा उहाँले ५ वटा बिद्यालयमा प्रधानाध्यापक रही कार्य गरिसक्नुभएको छ। दाङ जिल्लाको शिक्षा क्षेत्रमा पूर्व प्राध्यानापक डाँगी सबैको आदरका पात्र हुनुहुन्छ।

प्रकाशित मिति: मंगलबार, मंसिर १६, २०७७ १६:०१

प्रतिक्रिया दिनुहोस्