नेपालगन्ज मेडिकल कलेजका कर्मचारी आन्दोलनमा

स्वास्थ्य

गृहपृष्ठ
स्वास्थ्य
नेपालगन्ज मेडिकल कलेजका कर्मचारी आन्दोलनमा

नेपालगन्ज मेडिकल कलेजका कर्मचारी आन्दोलनमा

मंगलबार, मंसिर ३, २०७६ बागेश्वरी पोस्ट

नेपालगन्ज ।लडबुद्व एजुकेशनल एकेडेमी( नेपालगन्ज मेडिकल कलेज)का ट्रेनि स्टाफ नर्सहरुलाई न्युनतम पारिश्रमीक समेत नदिई काम गराएको भन्दै नेपाल स्वास्थकर्मी तथा कर्मचारी युनियन र लडबुद्व एजुकेशनल एकेडेमी कर्मचारी संघठनले विरोध प्रर्दशन गरेको छ ।

संघठनका कार्यबाहक सभापति मुस्लिम खाँनले लडबुद्व एजुकेशनल एकेडेमीका ट्रेनि स्टाफ नर्सहरुले सुब्बा सरहको तलब पाउनु पर्ने भए पनि श्रम मन्त्रालयले तोकेको न्युनतम पारिश्रमीक १३ हजार ४ सय ५० रुपैया समेत एकेडेमीले नदिएको भन्दै आक्रोश व्यक्त गरे । विरोध कार्यक्रममा बोल्दै नेपाल स्वास्थकर्मी तथा कर्मचारी युनियनका अध्यक्ष मुनिर खाँनले एकेडेमी प्रशासनले आफ्ना मागहरु पुरा नगरे बुधबारबाट नीतिगत आन्दोलनमा जाने बताए ।

उनले एकेडेमीले मौखिक आश्वासन भन्दा पनि लिखित प्रतिबद्वता जनाउनु पर्नेमा जोड दिए । यस्तै एकेडेमीमा कार्यरत करीब १ हजार ५ सय भन्दा बढी कर्मचारीलाई समेत असोज र कात्तिकको गरि २ महिनाको पारीश्रमीक समेत नदिएको लडबुद्व एजुकेशनल एकेडेमी कर्मचारी संघठनका महिला उपसभापति सुमन गिरीले जानकारी दिईन । यता एकेडेमीले थोरै पारिश्रमिक दिने गरेको भए पनि समयमै नदिएकाले आफ्ना आधारभुत आवश्यकता समेत पुरा गर्न नसकिएको एकेडेमीका ट्रेनि स्टाफ नर्स आस्था श्रेष्ठले बताईन ।

आईतबारबाट हरेक विहान साढे नौ बजेदेखि साढे १० बजेसम्म हरेक डिपार्टमेन्टमा १ जना रहने गरि सेवाग्राहीलाई मर्का नपर्ने गरि विरोधका कार्यक्रम गर्दै आईरहेको छ । लडबुद्व एजुकेशनल एकेडेमीका सबै शाखाहरुमा करिब ३२ देखि ४० जना सम्म ट्रेनि स्टाफ नर्स कार्यरत रहेका छन् ।

प्रकाशित मिति: मंगलबार, मंसिर ३, २०७६ २०:३०

प्रतिक्रिया दिनुहोस्