बाँकेको नरैनापुरमा स्थापना भयो ट्राफिक प्रहरी कार्यालय

सुरक्षा-अपराध

गृहपृष्ठ
सुरक्षा-अपराध
बाँकेको नरैनापुरमा स्थापना भयो ट्राफिक प्रहरी कार्यालय

बाँकेको नरैनापुरमा स्थापना भयो ट्राफिक प्रहरी कार्यालय

सुरुमा ट्राफिक नियम सिकाइने

शनिबार, पुस १८, २०७७ सौरभ गिरी

चेकजाँच गर्दै हवल्दार मानवीर चौधरी

नरैनापुर(बाँके )। बाँकेको नरैनापुर गाउँपालिकामा ट्राफिक प्रहरी कार्यालय स्थापना भएको छ। ट्राफिक प्रहरी कार्यालय नरैनापुरको भोज भगवानपुरमा रहेको ईलाका प्रहरी कार्यालय परिसरमै स्थापना गरिएको हो।नरैनापुरमा बिकास तीब्र रुपले भइसकेको हुँदा बढदो सवारी चापलाई मध्येनजर गर्दै नरैनापुरमा एक जना ट्राफिक प्रहरी हवल्दार मानवीर चौधरी खटाएको जिल्ला ट्राफिक प्रहरी कार्यालय बाँकेका प्रमुख प्रहरी निरीक्षक राजु भण्डारीले बताउनुभयो। अहिले एक जना पठाए पनि केही दिनमै अर्को एक जना पठाउने ट्राफिक प्रहरी प्रमुख भण्डारीले भन्नुभयो ।नरैनापुरमा सुरुवाती अवस्थामा ट्राफिक प्रहरीले त्यहाँका स्थानियहरुलाई ट्राफिक नियम बारे जानकारी गराउने ट्राफिकप्रहरी प्रमुख भण्डारीले जानकारी दिनुभयो। नरैनापुरमा धेरैजसो भारतीय नम्बर प्लेटका मोटरसाइकल ,गाडी चल्ने हुँदा पहिला ती गाडी चलाउदा भन्सारको प्रक्रिया बारे ट्राफिक प्रहरीले जनचेतना समेत दिने भण्डारीले बताउनुभयो।नरैनापुरमा ट्राफिकले केही महिना सम्म नियम मिच्दै सवारीसाधन चलाउनेलाई जरिवाना नगराई सचेत गराउदै ट्राफिक नियम सिकाउने छ। नरैनापुरमा एउटैै मोटरसाइकलमा ५ जना सम्म चढने,बिना हेल्मेट र सवारी अनुमति पत्र नबनाएर मोटरसाइकल चलाउने संख्या बढी रहेको छ। तर,अब भने नरैनापुर ट्राफिक पुगिसकेकाले त्यस्ता कार्यलाई रोक्न ट्राफिक प्रहरी लागि पर्ने भण्डारीले बताउनुभयो। नरैनापुरमा ट्राफिक प्रहरी पुगेपछि त्यहाँ स्थानियहरुले पनि ट्राफिक प्रहरीलाई सहयोग गर्ने बताएका छन् । बाँकेमा आएयता ट्राफिक ब्यबस्थापनमा अब्बल कार्य गर्दै आउनुभएका ट्राफिक प्रमुख भण्डारीले नरैनापुरमा ट्राफिक प्रहरी कार्यालय स्थापना गरेर एउटा असल कार्यको सुरुवात गर्नुभएको छ। जे होस् अब भने नरैनापुरमा ट्राफिक नियम पालना गरेर सवारीसाधन चलाएको देख्न सकिने छ।