ब्राउन सुगरसहित दाङमा एक युवक पक्राउ

सुरक्षा-अपराध

गृहपृष्ठ
सुरक्षा-अपराध
ब्राउन सुगरसहित दाङमा एक युवक पक्राउ

ब्राउन सुगरसहित दाङमा एक युवक पक्राउ

मंगलबार, पुस २८, २०७७ बागेश्वरी पोस्ट

घोराही ( दाङ )। प्रहरीले ठुलो परिमाणको लागूऔषध ब्राउन सुगरसहित एक जनालाई पक्राउ गरेको छ। अन्दाजी २ लाख बजार मूल्य बराबरको ब्राउन सुगरसहित घोराहीवाट प्रहरीले घोराही उपमहानगरपालिका वडा नं १५ सञ्तोष वलीलाई १० ग्राम लागू औषध ब्राउन सुगरसहित पक्राउ गरेको हो । पक्राउ परेका वलीलाई जिल्ला प्रहरी कार्यालयले आज पत्रकार सम्मेलन गरि सार्बजनिक गरेको हो।वलीलाई पुस २६ गते गोप्य सूचनाका आधारमा पक्राउ गरिएको दाङ प्रहरीले जानकारी दिएको छ। प्रहरीले बाटोमा हिडिरहेका वलीलाई खान तलासी गर्दा ३ ग्राम ब्राउनसुगर फेला परेको थियो। उनीसँग नापतौल गर्न एउटा डिजिटल मेसिन बरामद भएपछि प्रहरीले उनको कोठामा तलासी लिदा थप ७ ग्राम ब्राउन सुगर फेला परेको प्रहरीले बताएको छ । वलीको कोठाबाट २४ हजार नगद र उनले प्रयोग गर्ने रा ६ प १५२७ नम्वरको मोटरसाईकल समेत बरामद गरेको प्रहरीले जानकारी दिएको छ ।

प्रकाशित मिति: मंगलबार, पुस २८, २०७७ २२:२७