कुसुम प्रहरीद्वारा बंगलादेश लगिँदै गरेका गोरु बरामद, ट्रक जफत

सुरक्षा-अपराध

गृहपृष्ठ
सुरक्षा-अपराध
कुसुम प्रहरीद्वारा बंगलादेश लगिँदै गरेका गोरु बरामद, ट्रक जफत

कुसुम प्रहरीद्वारा बंगलादेश लगिँदै गरेका गोरु बरामद, ट्रक जफत

मंगलबार, माघ १३, २०७७ सौरभ गिरी

बरामद गरिएका गोरु र ट्रक

नेपालगञ्ज । प्रहरीले तस्करी गरेर लैजाने तयारी गरिएका गोरु नियन्त्रणमा लिएको छ ।

शनिवार राति करिब पौने १२ बजेतिर राप्तीसोनारी गाउँपालिका वडा नम्बर १ सौरीबाट सडक बाटोमा अवैधरुपमा ना. ६ ख. १००३ नम्बरको ट्रकमा गोरुहरु लोड गर्ने क्रममा प्रहरीले नियन्त्रणमा लिएको हो । इलाका प्रहरी कार्यालय कुसुमबाट प्रहरी नायब निरिक्षक श्याम अर्यालको नेतृत्वमा खटिएको प्रहरी टोलीले तीन वटा गोरुसहित ट्रक नियन्त्रणमा लिएको हो । गोरु र ट्रक आवश्यक कारवाहीको लागि भन्सार कार्यालय नेपालगंज बाँकेमा पठाइएको छ ।

प्रमुख जिल्ला अधिकारी रामबहादुर कुरुम्बाङले भारतबाट नेपाल हुँदै बंगलादेशतर्फ तस्करी हुन लागेका गोरुहरुलाई कुसुमबाट बाँके प्रहरीले बरामद गरी नेपालगन्ज भन्सारमा बुझाएको बताउनुुभयो । उहाँले अब भन्सारले गोरु लिलाम बिक्री गरी ट्रकलाई जफत गर्ने जानकारी दिनुुभयो ।

प्रकाशित मिति: मंगलबार, माघ १३, २०७७ १६:३३

प्रतिक्रिया दिनुहोस्