कट्कुइँयामा प्रसुति गृह उद्घाटन

स्वास्थ्य

गृहपृष्ठ
स्वास्थ्य
कट्कुइँयामा प्रसुति गृह उद्घाटन

कट्कुइँयामा प्रसुति गृह उद्घाटन

मंगलबार, माघ १३, २०७७ बागेश्वरी पोस्ट

नरैनापुर(बाँके) । नरैनापुर गाउँपालिका वडा नं. १ कट्कुइँयामा निर्मित प्रसुति गृहको उद्घाटन गरिएको छ । कट्कुइँया स्वास्थ्य चौकी भवन परिसरमा आड्रा नेपालको प्राविधिक र इन्रुडेक कोहलपुरको आर्थिक सहयोगमा निर्माण भएको प्रसुति भवनको नरैनापुर गाउँपालिकाका अध्यक्ष इश्तियाक अहमद शाहले उद्घाटन गर्नुभयो । २१ लाख ११ हजार १ सय ३३ रुपैयाँ लागतमा निर्मित प्रसुति भवनको उद्घाटन गर्दै अध्यक्ष शाहले बर्थिङ सेन्टरले सुरक्षितरुपमा सुत्केरी गराउन सहयोग पुग्ने बताउनुभयो । कार्यक्रममा बोल्दै आड्रा नेपालका स्वास्थ्य क्षेत्र टिम लिडर डा. घनश्याम भट्टले देशभर ६० ठाउँमा यस्ता बर्थिङ सेन्टर निर्माण गरेको बताउनुभयो । आड्रा जापानकी युका ओनिसी, इन्रुडेकका अध्यक्ष धर्मलाल रोकायले प्रसुति भवनको सही सदुपयोग गर्दै दिगोरुपमा विकास गर्नुपर्नेमा जोड दिनुभयो । उद्घाटन कार्यक्रममा गाउँपालिकाका स्वास्थ्य शाखा प्रमुख नागेन्द्र कुमार शाहले स्वागत मन्तव्य व्यक्त गर्नुभएको थियो । नवजात शिशु तथा बालसुधार परियोजना अन्तरगत् प्रसुति भवनको निर्माण गरिएको थियो ।

प्रकाशित मिति: मंगलबार, माघ १३, २०७७ २०:०५

प्रतिक्रिया दिनुहोस्