बाँकेमा आज ७५० जनालाई कोरोना खोप लगाउने लक्ष्य

स्वास्थ्य

गृहपृष्ठ
स्वास्थ्य
बाँकेमा आज ७५० जनालाई कोरोना खोप लगाउने लक्ष्य

बाँकेमा आज ७५० जनालाई कोरोना खोप लगाउने लक्ष्य

बिहीबार, माघ १५, २०७७ बागेश्वरी पोस्ट

नेपालगन्ज । बाँकेमा आज दोस्रो दिन पनि स्वास्थ्यकर्मी र सरसफाईकर्मीलाई कोरोना विरुद्धको खोप लगाइँदैछ । नेपालगन्ज मेडिकल कलेज, नरैनापुर, डुडुवा, बैजनाथ र राप्तीसोनारी गाउँपालिकाका ७ सय ५० जनालाई आज भेरी अस्पतालमा खोप लगाउने कार्यक्रम छ । "स्वास्थ्य संस्था खाली नहुने गरी आधा आधा स्वास्थ्यकर्मी र सरसफाईकर्मीलाई खोप लगाउने तालिका बनाएका छौं, भोलि फेरि यी अस्पताल र पालिकाका बाँकि स्वास्थ्यकर्मी र सरसफाईकर्मीलाई खोप लगाउने लक्ष्य छ ।" कोभिड १९ संकट व्यवस्थापन केन्द्रका फोकल पर्सन तेज वलीले भन्नुभयो । हिजो पहिलो दिन भेरी अस्पतालका स्वास्थ्यकर्मीलाई खोप लगाइएको थियो । त्यहाँ कार्यरत ४ सय जनालाई खोप लगाउने भनिएपनि हिजो १ सय २० जनाले मात्र खोप लगाएका छन् । आज बाँकिलाई पनि खोप लगाइनेछ । यहाँ पहिलो चरणको खोप अभियान माघ २४ गतेसम्म चल्नेछ । पहिलो चरणमा ७ हजार ५ सय जनाले खोप लगाउनेछन् ।

प्रकाशित मिति: बिहीबार, माघ १५, २०७७ ०८:३२

प्रतिक्रिया दिनुहोस्