बाँकेमा कोरोना खोप लगाएका १० जनालाई साइडइफेक्ट देखियो

स्वास्थ्य

गृहपृष्ठ
स्वास्थ्य
बाँकेमा कोरोना खोप लगाएका १० जनालाई साइडइफेक्ट देखियो

बाँकेमा कोरोना खोप लगाएका १० जनालाई साइडइफेक्ट देखियो

शुक्रबार, माघ १६, २०७७ बागेश्वरी पोस्ट

फाइल फोटो

नेपालगन्ज । बाँकेमा कोभिड-१९ विरुद्धको भ्याक्सिन लगाएका १० जनामा साइडइफेक्ट देखिएको छ । नेपालगन्ज मेडिकल कलेजका चिकित्सक, नर्स र सरसफाइकर्मीमा साइडइफेक्ट देखिएको हो । बाँकेमा दुई दिनको अवधिमा करिव सात सयले कोभिड-१९ विरुद्धको कोभिसिल्ड भ्याक्सिन लगाएका छन् ।

तीमध्ये १० जनामा वान्ता हुने, ज्वरो आउने र टाउको दुख्ने समस्या देखिएको हो । उनीहरुमध्ये तीन जना उपचारपछि डिस्चार्ज भएर घरमै आराम गरिरहेका छन् भने सात जना उपचारकै क्रममा छन् । उनीहरुरुको अवस्थामा सुधार हुँदै गएको डिस्चार्जको तयारी भइरहेको नेपालगन्ज मेडिकल कलेजका सहायक निर्देशक डा. नितेश कुमार कनोडियाले बताउनुभयो ।

डा. कनोडियाले पनि खोप लगाइसकेपछि शरीरमा सामान्य इफेक्ट देखिएको बताउनुभयो । ‘मैले हिजो खोप लगाएको थिएंँ, राती ज्वरो आयो,' उहाँले भन्नुभयो–‘कोरोना विरुद्धको खोप मात्र होइन अन्य खोप लगाउँदा पनि यस्तो असर देखिन्छ । अहिले म पूर्णरुपमा तयार छु ।’ उहाँले सामान्य असर देखिंँदैमा डराइहाल्नु पर्ने अवस्था नरहेको बताउनुभयो ।

भेरी अस्पताल खोप केन्द्रमा तीन दिनदेखि भाइरस विरुद्धको खोप अभियान चलिरहेको छ । भेरी अस्पतालका मेसु डा. प्रकाश थापाले पनि कोरोना भाइरस बिरुद्धको खोप मात्र नभएर जुनसुकै खोप लगाउँदा पनि सामान्य इफेक्ट परिहाल्ने भएकाले आत्तिनुपर्ने अवस्था नरहेको बताउनुभयो । ‘शरीरमा इम्युनिटी पावर कम भएकालाई केही असर देखिन सक्छ,' उहाँले भन्नुभयो–‘मैले पनि लगाए कुनै असर छैन् ।’

भ्याक्सिन लगाएका धेरै जसोमा हल्का ज्वरो आएको, टाउको दुखेको खवरहरु आएका छन् । चिकित्सकहरुले त्यसलाई सामान्य साइड असर भन्दै नआत्तिन भनेका छन् । स्वास्थ्य पेजबाट साभार

प्रकाशित मिति: शुक्रबार, माघ १६, २०७७ ११:२१

प्रतिक्रिया दिनुहोस्