चीनले नेपाललाई तीन लाख डोज कोरोनाको खोप अनुदानमा दिँदै

स्वास्थ्य

गृहपृष्ठ
स्वास्थ्य
चीनले नेपाललाई तीन लाख डोज कोरोनाको खोप अनुदानमा दिँदै

चीनले नेपाललाई तीन लाख डोज कोरोनाको खोप अनुदानमा दिँदै

आइतबार, माघ १८, २०७७ बागेश्वरी पोस्ट

नेपालगन्ज । चीनले नेपाललाई कोरोनाको खोप उपलब्ध गराउने भएको छ ।

नेपालस्थित चिनियाँ दूतावसले नेपाललाई अनुदानमा ३ लाख डोज खोप उपलब्ध गराउने जानकारी दिएको छ । दूतावासले उक्त खोप एक लाख ५० हजार नेपालीलाई फाइदा पुर्‍याउने बताएको छ ।

‘चीनमा घरेलु हिसाबले र विश्वभर दुबै खोपको लागि ठूलो मागको बाबजुद चिनियाँ सरकारले खोप प्रदान गर्न नेपाललाई प्राथमिकता दिईरहेको छ’, दूतावासले भनेको छ ।

नेपाल असल छिमेकी मित्र रहेको बताउँदै दूतावासले भूकम्प र महामारी जस्ता चुनौतीहरूको सामना गर्दै दुबै देशहरूले जहिले पनि एक अर्कालाई साथ र सहयोग गरेको स्मरण गरेको छ ।

अनुदानमा दिइएको खोप सिनोफर्मले विकास गरी सकेको दूतावासले जनाएको छ । उक्त खोपले चीनमा स्वीकृति पाइसकेको छ ।

दुई खुराक इनोकुलेसन प्रक्रिया पछि खोपले कोरोनाविरुद्ध ७९.३४ प्रतिशत प्रभावकारी छ । साथै एन्टिबडी विकसित गर्ने सेरोक्रोनस दर ९९.५२ प्रतिशत पुगेको छ ।

हालसम्म खोपले पाकिस्तान, युएई, इजिप्ट, हंगेरी जस्ता देशहरूमा आपतकालिन प्रयोगको लागि अनुमति पाइसकेको छ । चिनियाँ दूतावासले आपतकालीन प्रयोग र खोपको प्राप्तीको लागि दर्ता गर्ने सम्बन्धमा नेपाली अधिकारीसँग समन्वय गरिरहेको जनाएको छ ।

‘यो खोप नेपालमा चाँडो भन्दा चाँडो पुर्‍याउन चाहन्छौं ताकि नेपाललाई कोरोना भाइरस महामारीबिरूद्धको लडाई जित्न सहयोग पुर्‍याउनेछ । चिनियाँ पक्ष सबैका लागि स्वास्थ्य समुदाय निर्माण गर्न दुवै पक्षको विकास र समृद्धिको लागि चिरस्थायी मित्रता रहेको सहकार्यको रणनीतिक साझेदारीलाई थप सुदृढ र बढावा दिन नेपाली पक्षसँग मिलेर काम गर्न इच्छुक छ’, दूतावासले भनेको छ ।

प्रकाशित मिति: आइतबार, माघ १८, २०७७ २१:३५

प्रतिक्रिया दिनुहोस्