४ महिनाको अवधिमा नेपालगन्जको उदयपुर स्वास्थ्य चौकीमा १८४ जना महिलाले बच्चा जन्माए

स्वास्थ्य

गृहपृष्ठ
स्वास्थ्य
४ महिनाको अवधिमा नेपालगन्जको उदयपुर स्वास्थ्य चौकीमा १८४ जना महिलाले बच्चा जन्माए

४ महिनाको अवधिमा नेपालगन्जको उदयपुर स्वास्थ्य चौकीमा १८४ जना महिलाले बच्चा जन्माए

बिहीबार, मंसिर ५, २०७६ बागेश्वरी पोस्ट

उदयपुर स्वास्थ्य चौकी

नेपालगन्ज । नेपालगन्ज वडा नम्बर १३ स्थित उदयपुर स्वास्थ्य चौकीले आमा सुरक्षा कार्यक्रम तर्फको चौमासिक विवरण सार्बजनिक गरेको छ। यस बर्षको साउन यता आमा सुरक्षा कार्यक्रम अन्तर्गत जम्मा १८४ जनाले बच्चा जन्माएका छन् ।

जस अन्तर्गत १५४ जना सामान्य रुपमा सुत्केरी भएका छन् भने ३० जनालाई भ्याकुम दिइएको स्वास्थ्य चौकी प्रमुख टेक बहादुर केसीले जानकारी दिएका छन् । यस्तै स्वास्थ्य चौकीले प्रतेक सुत्केरी महिला अनुसार जनही १८५ थान न्यानो झोला समेत वितरण गरेको छ। जम्मा १८४ जना महिला सुत्केरी मध्य एक जना महिलाले भने जुम्ल्याहा बच्चा जन्माएकी हुन् । मंसिर ४ गते बुधबार सम्मको तथ्यांक अनुसार स्वास्थ्य चौकीले सुत्केरीहरुलाई यातायात खर्च बापत १८४००० रुपैयाँ वितरण गरेको छ भने उत्प्रेणा खर्च बापत १ लाख एघार हजार २०० रुपैयाँ खर्च भएको केसीले जानकारी दिएका छन् ।

त्यस्तै सेवा प्रदायक तर्फ ४६९२० रुपैयाँ खर्छ भएको छ।स्वास्थ्य चौकी सहयोगी तथा महिला स्वयंसेवक तर्फ ३६८०० रुपैयाँ खर्च भएको छ। साउनदेखि मंसिर ४ गतेको विवरण अनुसार सुत्केरी संख्या नेपालगन्जका अन्य स्वास्थ चौकी भन्दा उदयपुर स्वास्थ्य चौकीको संख्या धेरै रहेको छ। २४ सै घन्टा सेवा दिइरहेको उक्त स्वास्थ्य चौकीमा प्रदेश नम्बर ७ लगायत दाङबाट समेत सुत्केरी गराउन आउने गरेका छन् ।

प्रमुख केसीका अनुसार नेपालगन्जका अस्पतालमा भिडभाड हुँदा उदयपुर स्वास्थ्य चौकीमा समेत सुत्केरी गराउन आउने गरेका छन् ।

प्रकाशित मिति: बिहीबार, मंसिर ५, २०७६ १४:३४