हुम्लामा अज्ञात रोगले धमाधम गाईबस्तु मर्न थाले

स्वास्थ्य

गृहपृष्ठ
स्वास्थ्य
हुम्लामा अज्ञात रोगले धमाधम गाईबस्तु मर्न थाले

हुम्लामा अज्ञात रोगले धमाधम गाईबस्तु मर्न थाले

बिहीबार, माघ २२, २०७७ बागेश्वरी पोस्ट

फाइल फोटो

नेपालगन्ज । गाईबस्तुहरु धमाधम मर्न थालेपछि किसानहरु चिन्तित बन्न थालेका छन् ।हुम्लाको अदानचुली गाउँपालिकामा घरपालुवा गाईबस्तुमा अज्ञात रोगका कारण धामधम मर्न थालेपछि किसानहरु चिन्तित बनेका हुन् ।

निकै लामो समयको खडेरीले गर्दा विभिन्न किसिमका अज्ञात रोगको सङ्क्रमण भई गाईबस्तु मर्ने गरेका छन् । अदानचुली गाउँपालिका ४ को बिगोठी गाउँमा पाँच गाईबस्तु अकस्मात मरेको स्थानीयवासी राजबहादुर बुमीले बताए । उनले भने, “के कति कारणले, कस्तो रोगले मरेका हुन् त्यसको बारेमा थाहा छैन्, अकस्मात पशु मर्न थालेका छन्” ।

यस्तै केही दिनअघि पनि धेरै ठाउँमा गाईबस्तु मरेको खबर आएका छन् । उनले अहिलेसम्म रोगको पहिचान हुन नसकेको बताए । “ रोग पहिचान हुन नसक्दा उपचार नपाएर गाईबस्तु मर्ने क्रम जारी छ”, उनले भने, “रोगको पहिचान हुन नसक्दा उपचारसमेत गराउन पाइएको छैन ।” सम्बन्धित निकायलाई पटक-पटक जानकारी गराउँदा पनि रोकथाममा चाँसो नदिँदा गाईबस्तु मर्न थालेको बुमीको दुःखेसो छ ।

यस सम्बन्धी कार्यालयमा कुनै जानकारी वा सूचना नआएको गाउँपालिका पशुसेवा शाखाले जनाएको छ । “कुन ठाउँमा हो, हामीलाई कुनै पनि जानकारी आएको छैन । यदि आयो भने हामी तत्काल गएर हेर्ने र गाउँपालिकामा भएको औषधि प्रयोग गर्ने तथा नभए प्रक्रिया अगाडि बढाउन सक्छौं”, शाखाका प्राविधिक अमर बुमीले भने ।

अज्ञात रोगबारे पशु स्वास्थ्य प्राविधिक र भेटेरिनरी अस्पताल तथा पशु सेवा विज्ञ केन्द्रले स्थलगत निरीक्षण गरे मात्र भन्न सकिने बुमीले बताए ।

प्रकाशित मिति: बिहीबार, माघ २२, २०७७ १३:५८

प्रतिक्रिया दिनुहोस्