मोटरसाइकल चोरी गर्ने माथि बाँके प्रहरीको धावा, एकैपटक ठूलै गिरोह फन्दामा

सुरक्षा-अपराध

गृहपृष्ठ
सुरक्षा-अपराध
मोटरसाइकल चोरी गर्ने माथि बाँके प्रहरीको धावा, एकैपटक ठूलै गिरोह फन्दामा

मोटरसाइकल चोरी गर्ने माथि बाँके प्रहरीको धावा, एकैपटक ठूलै गिरोह फन्दामा

बुधबार, माघ २८, २०७७ सौरभ गिरी

नेपालगञ्ज । बाँके प्रहरीले मोटरसाइकल चोरी गर्ने ठूलो गिरोहलाई पक्राउ गरेको छ । ६ वटा मोटरसाइकलसहित ६ जनालाई प्रहरीले पक्राउ गरेको हो । जिल्ला प्रहरी कार्यालय बाँकेले आज पत्रकार सम्मेलन गरेर मोटरसाइकलसहित उनीहरुलाई सार्वजनिक गरेको हो । मोटरसाइकल चोरीका घटनाहरु बढ्न थालेपछि विशेष टोली परिचालन गरेर अनुसन्धान थालेको प्रहरीले एकैपटक ठूलो सफलता हासिल गरेको हो ।

प्रहरीले खजुरा ३ धौलागिरी बाँकेका ३५ बर्षीय राम बहादुर थापा र जुम्ला कालीखोला स्थायी ठेगाना भई हाल नेपालगञ्ज ४ बसपार्क बस्ने ३१ बर्षीय धिरेन्द्र विक्रम शाहीलाई नेपालगञ्ज १ बाट पक्राउ गरेको जनाएको छ । त्यस्तै दाङको गढवा ४ खड्कपुरका समिर भनिने इरसाद अहमद मुसलमानलाई प्युठानको दरभान, रोल्पाका लुंग्री १ का २८ बर्षीय छविलाल सुनार र रोल्पाको लुुंग्री ५ का २४ बर्षीय नवराज रोका क्षेत्रीलाई दाङको भालुवाङ र नेपालगञ्ज १० सुुगन्धटोलका २८ बर्षीय रंजित शर्मालाई प्युुठानको चेरनेटाबाट पक्राउ गरिएको जिल्ला प्रहरी कार्यालय बाँकेका प्रमुख प्रहरी उपरिक्षक ओमबहादुर रानाले बताउनुभयो । उनीहरु सबै माघ २५ गते नै पक्राउ परेका हुन् ।

उनीहरु मध्ये केही वर्कशपको मिस्त्री र गाडी चालक पनि हुन् । उनीहरुले विभिन्न समयमा विभिन्न स्थानबाट मोटरसाइकल चोरी गरेर नम्बर प्लेट बदल्दै विक्रि गर्ने गरेको पनि पाइएको छ । चोरीको मोटरसाइकल उनीहरुले रोल्पा, प्युुठान, दाङ, जाजरकोट लगायतका पहाडी क्षेत्रमा विक्रि गरेको प्रहरीले जनाएको छ । मोटरसाइकल चोरीमा संलग्नलाई मुलुकी अपराध संहिता ऐन २०७४ को चोरी सम्बन्धि कसुरको दफा २४२ को उपदफा २ बमोजिम ३ बर्षसम्म कैद र तीस हजार रुपैयाँ जरिवाना हुने व्यवस्था छ ।

प्रकाशित मिति: बुधबार, माघ २८, २०७७ १७:४०

प्रतिक्रिया दिनुहोस्