नेपालगन्ज भन्सारबाट दश लाख भारुसहित पक्राउ परेका भारतीय नागरिक सार्बजनिक

सुरक्षा-अपराध

गृहपृष्ठ
सुरक्षा-अपराध
नेपालगन्ज भन्सारबाट दश लाख भारुसहित पक्राउ परेका भारतीय नागरिक सार्बजनिक

नेपालगन्ज भन्सारबाट दश लाख भारुसहित पक्राउ परेका भारतीय नागरिक सार्बजनिक

३ जना चितुवाको छालासहित पक्राउ

सोमबार, फागुन १०, २०७७ सौरभ गिरी

सेतो पेन्ट र सेतो सर्टमा भारु नोटसहित बरामद भएका खान, अन्य चितुवाको छाला तस्कर

नेपालगन्ज । जिल्ला प्रहरी कार्यालय बाँकेले नेपालगन्ज भन्सारबाट आइतबार दश लाख भारतीय रुपैयाँसहित पक्राउ परेका भारतीय नागरिकलाई आज सार्बजनिक गरेको छ ।

बाँके प्रहरी प्रमुख एसपी ओम बहादुर रानाले दश लाख भारु रुपैयाँसहित पक्राउ पर्नेमा भारतको दिल्लीमा बसोबास गर्दै आएका ५४ बर्षीय मुनवर खान रहेको जानकारी दिएका हुन् । आइतबार दिउँसो नेपालगन्जको भन्सार चेकपोस्टमा चेकजाँचका क्रममा सशस्त्र प्रहरी जमुनाहा बिओपी प्रमुख सशस्त्र प्रहरी निरीक्षक जीवनलाल बुढा र नेपाल प्रहरीका प्रहरी नायब निरीक्षक भिम बहादुर खड्काको संंयुक्त टोलीले खानलाई ३ बजेर ४० मिनेटमा पक्राउ गरेको एसपी रानाका बताएका छन् ।

एसपी रानाका अनुसार खानको साथबाट २ हजार दरको नोट तीन थान र ५ सय दरका नोट १९८८ थान गरी जम्मा दश लाख भारतीय रुपैयाँ बरामद गरिएको छ । पक्राउ परेका खान मजदुरी गर्ने व्यक्ति भएकोले त्यति ठूलो परिमाणमा किन नेपाल ल्याएको भन्ने बारेमा बिशेष अनुसन्धान गरिरहेको एसपी रानाले बताए । दश लाख रुपैयाँको बारेमा सबै अनुसन्धान गरिसकेपछि मात्र ठोस निर्णयमा पुगिने एसपी रानाले बताए ।

त्यस्तै जिल्ला प्रहरीले आजै पत्रकार सम्मेलनमा २ थान चितुवाको छाला ओसारपसार गर्ने गिरोहका ३ जनालाई पक्राउ गरेको जनाएको छ ।

प्रहरीका अनुसार राप्ती सोनारी १ कुसुम सडकखण्डबाट चितुवाको छालासहित बाघचौर ३ चौरपानी सल्यानका ३१ बर्षका जित बहादुर डिसी, कुमाख गाउँपालिका ३ मर्म पोडिकारा सल्यानका २४ बर्षका हिमेन्द्र वली र कुमाख गाउँपालिका ७ जिमाली सल्यानका २१ बर्षका कमल डिसीलाई इलाका प्रहरी कोहलपुरले बिशेष सूचनाका आधारमा आइतबार राती १० बजे पक्राउ गरेको जानकारी दिएको छ ।

चितुवाको छालासहित पक्राउ परेना तिनै जनालाई राष्ट्रिय निकुञ्ज तथा बन्यजन्तु संरक्षण ऐन अन्तर्गत् मुद्दा चलाइने प्रहरीले बताएको छ ।

यसैगरी आइतबार राती नै नेपालगन्ज २ बौद्ध टोलबाट वडा प्रहरी कार्यालय नेपालगन्जका प्रमुख प्रहरी निरीक्षक डिल्ली बहादुर खड्काको कमाण्डको टोलीले ९ जना जुवाडेहरुलाई पक्राउ गरेको आज पत्रकार सम्मेलन मार्फत् प्रहरीले जानकारी दिएको छ ।

पक्राउ परेको जुवाडेहरुको साथबाट प्रहरीले १ लाख ५० हजार १६५ नगद बरामद गरेको हो । पक्राउ परेका जुवाडेहरुलाई फौजदारी ऐन अन्तर्गत् मुद्दा चलाइने प्रहरीले जानकारी दिएको छ ।

त्यस्तै आज बिहान प्रहरीले नरैनापुर गाउँपालिका ४ को जयरामपुर्वाबाट अवैध अन्दाजी ९ सय किलो कुखुरासहित ३ जनालाई पक्राउ गरेको जिल्ला प्रहरी बाँकेले जानकारी दिएको छ ।

पक्राउ परेका कुखुरासहित तीनै जनालाई आबश्यक कारबाहीको लागी पशु क्वारेन्टाइनमा पठाइसकेको प्रहरीले बताएको छ ।

प्रकाशित मिति: सोमबार, फागुन १०, २०७७ १४:४९

प्रतिक्रिया दिनुहोस्