प्रचण्डले लगाए कोरोनाविरुद्दको खोप

स्वास्थ्य

गृहपृष्ठ
स्वास्थ्य
प्रचण्डले लगाए कोरोनाविरुद्दको खोप

प्रचण्डले लगाए कोरोनाविरुद्दको खोप

बुधबार, फागुन १९, २०७७ बागेश्वरी पोस्ट

नेपालगन्ज ।आजदेखि सांसदहरुले कोरोनाविरुद्धको खोप लगाउन सुरु गरेका छन् । स्वास्थ्यकर्मी, पत्रकार र सरकारी कर्मचारीपछि दलका नेताहरुलेसमेत कोभिड १९ विरुद्धको खोप लगाउन शुरु गरेका छन् । प्रतिनिधि सभा तथा राष्ट्रिय सभाका सभामुख तथा अध्यक्ष मन्त्री तथा सांसदहरुले बुधबारबाट कोभिड १९ विरुद्धको खोप लगाउन शुरु गरेका हुन् । सांसदहरुलाई खोप लगाउन नयाँ बानेश्वरस्थित सिभिल अस्पताल तोकिएको छ । यसै शिलशिलामा नेकपा अध्यक्ष पुष्पकमल दाहाल ‘प्रचण्ड’, प्रतिनिधि सभा सभामुख अग्निप्रसाद सापकोटा, राष्ट्रियसभा उपाध्यक्ष शशिकला दाहाल, स्वास्थ्य मन्त्री हृदयेश त्रिपाठी लगायतले अस्पताल पुगेर खोप लगाइसकेका छन् । खोप लगाउन अन्य मन्त्रीसहित सांसदहरु अस्पताल पुग्ने क्रम शुरु भइसकेको छ । यसैगरी मन्त्री, सांसदहरुका स्वकीय सचिव, संघीय संसदका कर्मचारीहरु, मर्यादापालक र संसद सम्वन्धि रिपोर्टिङ गर्ने पत्रकारहरुलाईसमेत आज नै खोप लगाइदैछ । संसद पुनःस्थापना पछि २३ फागुनमा पहिलो पटक संसद बैठक बस्ने तयारी भइरहेको छ । संसद् बैठकअघि नै सबैलाई खोप लगाउन आग्रह गरिएको छ ।

प्रकाशित मिति: बुधबार, फागुन १९, २०७७ १२:३९

प्रतिक्रिया दिनुहोस्