बस दुर्घटनामा एकको मृत्यु,दश जना घाइते

स्वास्थ्य

गृहपृष्ठ
स्वास्थ्य
बस दुर्घटनामा एकको मृत्यु,दश जना घाइते

बस दुर्घटनामा एकको मृत्यु,दश जना घाइते

बिहीबार, फागुन २७, २०७७ बागेश्वरी पोस्ट

नेपालगन्ज । बस दुर्घटना हुँदा एक जनाको मृत्यु भएको छ। कर्णाली राजमार्गअन्तर्गत टुइकुनामा आज बिहान माइक्रो बस दुर्घटना हुँदा एक जनाको मृत्यु भएको हो भने १० घाइते भएका छन् । मृत्यु हुनेमा शुभाकालिका गाउँपालिका भर्ता कालिकोटका ३७ वर्षीय दीपेन्द्रबहादुर शाही रहेको प्रहरी चौकी पाल्तडाले जनाएको छ । चौकीका अनुसार गम्भीर घाइते सात जनालाई थप उपचारका लागि सुर्खेत पठाइएको तथा तीन जनाको स्थानीय रामघाटमा मेडिकलमा उपचार भइरहेको छ । राजमार्गको दैलेख सडक खण्डको आठबीस नगरपालिका–१ टुइकुनामा कालिकोटबाट सुर्खेतका लागि छुटेको कर्णाली प्रदेशको ०२००१ख२४७ नंको माइक्रो बस दुर्घटना भएको हो । घाइते १० मध्ये गम्भीर अवस्थाका सात जनालाई एम्बुलेन्समार्फत सुर्खेत पठाइएको स्थानीयवासी नैनबहादुर शाहीले टेलिफोनबाट जानकारी दिए । बस राजमार्गबाट ५० मिटर तल खसेको छ । बसमा कालिकोटबाट १५ यात्रु सवार थिए ।

प्रकाशित मिति: बिहीबार, फागुन २७, २०७७ १५:४२

प्रतिक्रिया दिनुहोस्