बाँकेमा ट्राफिक प्रहरीद्वारा सवारी चालकहरुको स्वास्थ्य परिक्षण गरियो

स्वास्थ्य

गृहपृष्ठ
स्वास्थ्य
बाँकेमा ट्राफिक प्रहरीद्वारा सवारी चालकहरुको स्वास्थ्य परिक्षण गरियो

बाँकेमा ट्राफिक प्रहरीद्वारा सवारी चालकहरुको स्वास्थ्य परिक्षण गरियो

बुधबार, मंसिर ११, २०७६ बागेश्वरी पोस्ट

नेपालगन्ज । दुर्घटना न्यूनिकरणका लागि बाँकेमा लामो तथा छोटो दुरीका सवारी चालकहरुको स्वास्थ्य परिक्षण गरिएको छ। जिल्ला ट्राफिक प्रहरी कार्यालय बाँके तथा मध्य पश्चिम् क्षेेेेेेेेत्रिय प्रहरी अस्पताल नेपालगन्जको संयुक्त आयोजनमा राप्तीसोनारी गाउँपालिकाको ढकेरीमा बुधबार चालकहरुको स्वास्थ्य परिक्षण गरिएको छ।

स्वास्थ परिक्षणका क्रममा १५७ जना चालकहरुको चेक जांच गरिएको जिल्ला ट्राफिक प्रहरी प्रमुख प्रहरी निरीक्षक पबिन्द्र बमले जानकारी दिएका छन् । प्रहरी असपतालबाट डिएसपी डा. बोध बिक्रम कार्कीको नेतृत्वमा गएको स्वास्थ्य परिक्षण टोलीले ७८ जना चालकहरुलाई चेक जाँच गरि औषधी समेत वितरण गरेको हो।

स्वास्थ्य परिक्षणमा प्रहरीले बिपी देखि ब्लड सुगर समेत जाँच गरेको थियो। स्वास्थ्य परिक्षणमा चालकहरुलाई आबश्यक ट्राफिक नियम सम्बन्धी कुरा पनि सिकाइएको प्रहरी निरीक्षक बमले बताए। बाँके ट्राफिकले यसअघि पनि बाँकेको सम्झनामा चालकहरुको स्वास्थ्य परिक्षण गरेको हो।स्वास्थ्य परिक्षण कार्यक्रममा प्रहरी निरीक्षक बम सहित प्रहरी अस्पतालका प्रहरी निरीक्षक डा. देउजा, प्रहरी नायब निरीक्षक ओम पौडेल लागायतको उपस्थिति थियो।

प्रकाशित मिति: बुधबार, मंसिर ११, २०७६ २१:३३

प्रतिक्रिया दिनुहोस्