बाँकेमा चैत २० देखि पौने ६ लाखलाई हात्तीपाइले विरुद्धको औषधि खुवाइने

स्वास्थ्य

गृहपृष्ठ
स्वास्थ्य
बाँकेमा चैत २० देखि पौने ६ लाखलाई हात्तीपाइले विरुद्धको औषधि खुवाइने

बाँकेमा चैत २० देखि पौने ६ लाखलाई हात्तीपाइले विरुद्धको औषधि खुवाइने

बिहीबार, चैत १२, २०७७ बागेश्वरी पोस्ट

नेपालगन्ज । बाँकेमा पौने ६ लाखलाई हात्तीपाइले विरुद्धको औषधि खुवाइँदैछ ।
स्वास्थ्य कार्यालय बाँकेले आज नेपालगन्जमा पत्रकार अन्तरक्रिया गरेर हात्तीपाइले रोग निवारणका लागि राष्ट्रिय आम औषधि सेवन कार्यक्रमबारे जानकारी गराएको हो ।

स्वास्थ्य कार्यालय बाँकेका प्रमुख धिरजंग शाहले जिल्लामा ५ लाख ७६ हजार ७६ जनालाई हात्तीपाइले रोग विरुद्धको औषधि खुवाउन ४ सय ९० जना स्वास्थ्यकर्मी र ७ सय ८९ जना महिला स्वास्थ्य स्वयंसेवक परिचालन गरिने जानकारी दिनुभयो । तालिम प्राप्त स्वास्थ्यकर्मीहरुले घर नजिकैको बुथमा औषधि खुवाउनेछन् ।

गर्भवती, सुत्केरी र सिकिस्त विरामी बाहेक २ वर्ष माथिका सबैलाई औषधि खुवाउने लक्ष्य छ । चैत २० गतेदेखि बाँकेसहित १२ जिल्लामा आम औषधि सेवन कार्यक्रम संचालन हुँदैछ ।

बाँकेमा २०६७ सालदेखि हात्तीपाइले रोग विरुद्धको औषधि खुवाउन सुरु गरिएको हो ।

प्रकाशित मिति: बिहीबार, चैत १२, २०७७ १५:५८

प्रतिक्रिया दिनुहोस्